بعد حريق شقتها.. هل تقلد ليلى زاهر شخصية سوزي الأردنية في أعلى نسبة مشاهدة

انتي بتقلديني متكبريش.. وشقتك ولعت زي شقتي ما ولعت.. بتشتغل تيك توكر ومسميه نفسها نسمة الكاريزما.. هل ليلى زاهر بتقلد سوزي الأردنية.. 

أعلى نسبة مشاهدة

لفت مسلسل لأعلى نسبة مشاهدة انتباه جمهور الدراما الرمضانية.. اللي اعتبره كثير من النقاد الحصان الأسود في دراما رمضان 2024.. بعد ما قدر يعالج واقع حقيقي بنعيشه على منصات السوشيال ميديا بطريقة سلسة وبسيطة.. 

وأحداث المسلسل مأخوذة عن قصة حقيقية.. لبنت من عيلة بسيطة بتعاني من الفقر وبتحاول هي واختها تتخطى الحياة دي من خلال مواقع التواصل الاجتماعي.. وتحديدا تيك توك.. بيواجهوا خلال الأحداث مواقف كتير وأزمات في سياق اجتماعي مشوق.. 

https://www.instagram.com/reel/C4tlfyrrs7U/?igsh=MW93Z296dndlaXpuMw==

 سوزي الأردنية

أحداث المسلسل تتناول في 15 حلقة.. نجاح شيماء.. سلمى ابو ضيف.. الل بضربة حظ بتحقق شهرة كبيرة على التيك توك بعد ما نشرت فيديو وبتقدم اختها نسمة اللي يتجسد شخصيتها ليلى زاهر.. وبتدعم اختها لحد ما بتحقق أحلامها وبتحقق احلامها معاها.. 

والنماذج اللى شبه ابطال المسلسل على تيك توك كتير.. ونشوفهم وعارفينها.. وأبرزهم سوزي الأردنية الل كتير يقارن ليلى زاهر في المسلسل بيها وشخصية نسمة الكاريزما.. وده للتشابه الكبير اللي بينهم.. سواء في طريقة الكلام.. أو المحتوى على تيك توك.. 

نسمة الكاريزما

وخرجت سوزي الاردنية وقالت انها حاسه ان ليلى زاهر بتقدم شخصيتها في المسلسل.. وردت عليها ليلى زاهر وقالتلها.. أنا طالعة أقول كام حاجة للزميلة سوزي الأردنية..  أحب أقولك لو هتطلعي كل شوية على السوشيال ميديا وعلى التيك توك وتقولي مش عارفة اسمها ايه ليلى ولا لوليا.. أنا مش اسمي أي حاجة من دول أنا اسمي نسمة الكاريزما.. ولو زعلانة إن أنا واخدة التريند.. عادي يا سوزي ما انتي على طول تريند.. سيبي أختك تسترزق وصفي النية.. 

حريق الشقة 

وردت عليها تاني سوزي وقالتلها متزعليش مني انتي حبيبتي..  انتي صاحبتي.. متخليش الناس توقعنا في غلط.. انتي طلعتي وعمالة تقلديني.. متكبريش.. انتي بتقلديني وأنا سكتالك.. شقتك ولعت في المسلسل وده مش من عند ربنا.. عشان أنا شقتي كمان ولعت.. و عزمتها على الفطار يوم الاربع وقالتلها تعزمها على المشهد الجاي بس تبلغها قبلها بيومين ويعملوا المشهد سوا.. 

وفي تطور جديد لشخصية نسمة الكاريزما بدأت تتجه للاعلانات زي اختها شيماء.. والجديد انها بقت تغني مهرجانات.. وعملت اغنيه باسم نسمة الكاريزما.. وشاركت ليلى الأغنية مع جمهورها على انستجرام.. وتصدرت التريند بالأغنية.. لو اتفرجت على المسلسل قولولنا مين من ابطال المسلسل شبه تيك توكرز انتو تعرفوهم..