اسمها الحقيقي شيرويت.. وأصولها تركية.. اكتشفها رمسيس نجيب.. وكانت عايزة تسيب التعليم عشان التمثيل.. والداها كان رافض إنها تمثل.. اتجوزت 6 مرات منهم الفنان يوسف شعبان.. وخلفت مرة واحدة بس.. عندها فوبيا من التليفون بسبب والدتها.. وظهرت أخبار عن وفاتها ..
مفيش شك إن الفنانة ليلى طاهر من أهم فنانات الزمن الجميل.. فمن خلال أدوارها وأناقتها.. اتحولت لـ أيقونة كلاسيكية بالنسبة للسيدات زمان ودلوقتي.. ورغم ابتعادها من سنين عن الحياة الفنية.. لكن أفلامها لحد دلوقتي لسة علامة مميزة في السينما يتابعها الجمهور.. فيا ترى ايه هى المحطات المهمة في حياة الفنانة ليلى طاهر.. وايه هى حقيقة وفاتها ؟ . 56″ height=”476″ />أصولها تركية ووالدها رفض التمثيل
ليلى طاهر اتولدت في 13 مارس سنة 1942.. أصولها تركية واسمها الحقيقي شيرويت مصطفى.. “ليلى طاهر” أو “شيرويت” كانت بتحب التمثيل من وهى صغيرة.. فرشحها الفنان يوسف وهبى إنها تعمل معاه دور.. لكن والدها رفض.. لأنه كان خايف عليها تبدأ تمثيل في سن صغير.. وعشان كدا عارض وقتها.. وكان حابب إنها تهتم بدراستها.. وافتكر إن حب التمثيل عندها هيكون مجرد وقت و هتنساه لما تكبر.. لكن ده محصلش.. وفضلت “ليلى” تحلم بأنها تقف قدام الكاميرا و تبقى ممثلة معروفة..
اكتشفها رمسيس نجيب وسماها ليلى طاهر
ولما كبرت “ليلى” سمعت كلام والدها ودرست في معهد الخدمة الاجتماعية.. لكنها منسيتش حلم التمثيل.. فسعت وراء حلمها.. واتجهت للعروض المسرحية في المعهد.. وكتب عنها وقتها صحفي مهم مقال طويل عن موهبتها.. وقراه المنتج رمسيس نجيب.. فقرر يستعين بـ “ليلى طاهر”.. واتواصل مع والدها وطلب منها انها تمثل وسماها “ليلى طاهر”.. وشاركت “ليلى” في فيلم “أبو حديد” مع الفنان فريد شوقي”.. وكان عمرها وقتها 16 سنة بس.. وطبعًا بعد الشهرة والنجاح فكرت “ليلى” تسيب التعليم وتتفرغ للتمثيل.. لكن فريد شوقي ورمسيس نجيب رفضوا.. ونصحوها إنها تكمل دراستها وسمعت “ليلى” بنصيحتهم وكملت دراستها.. مع احترافها للتمثيل ..
https://www.facebook.com/share/v/YJc1CtBiHHcUVJ5y/?mibextid=oFDknk
اتجوزت 6 مرات وعندها ابن وحيد
أما بقا عن حياة ليلى طاهر العاطفية.. فـ “ليلى” اتجوزت 6 مرات.. في المرة الأولى اتجوزت “ليلى” من محمد الشربيني.. وجابت منه ابنها الوحيد “أحمد”.. أما المرة الثانية اتجوزت من المخرج “حسين فوزي”.. وبعد ما انفصلت عنه اتجوزت من الصحفي والكاتب نبيل عصمت.. أما المرة الرابعة في اتجوزت من الفنان يوسف شعبان بعد قصة حب كبيرة بينهم.. وانفصلوا عن بعض 3 مرات.. أما المرة الخامسة وبعد يوسف شعبان اتجوزت من خالد الأمير.. والمرة السادسة والأخيرة اتجوزت من شخص من خارج الوسط الفني..
ابتعادها عن الساحة الفنية
وبعد جوازها الأخير بعدت “ليلى” عن الساحة الفنية خاصة بعد ظهور الأجيال الجديدة.. وعاشت في هدوء وبعيد عن الاضواء.. لكن من وقت للتاني بيظهر إشاعات إن ليلى طاهر اتوفت.. ودايمًا الإشاعة ده تزعجها جدًا.. وزي ما قالت بتحسسها إن الناس مستعجلة على موتها.. وآخرهم إشاعة وفاتها امبارح.. فخرجت “ليلى” وردت على إشاعة وفاتها وقالت: “الخبر مش جديد، ومش عارفة ليه مركزين مع النجوم الكبار، أنا مستغربة جدا، إيه الهدف من كتابة خبر غير حقيقى”..
وحاليًا الفنانة ليلى طاهر عايشة مع أسرتها في هدوء وبعيد عن الأضواء.. وكمان أكدت إن صحتها كويسة وبخير.. وإن كل اللي بيظهر عن تعبها أو وفاتها مش حقيقة .. وإنها كويسة وبخير.. شاركنا وقولنا ايه أكتر عمل فني بتحبه لـ الفنانة ليلى طاهر ؟
