كريستيانو رونالدو عريس.. موعد زفاف الدون وجورجينا رودريجيز في الرياض

بعد 8 سنين صحوبية.. و5 ولاد.. وراه من اسبانيا ايطاليا لانجلترا للسعودية.. كريستيانو رونالدو في عش الزوجية مع جورجينا رودريجيز.. 

 فرح رونالدو 

واضح ان علاقة كريستيانو رونالدو وجورجينا رودريجيز خلاص هتدخل اطار الرسمية.. ويهبلوا الشربات.. صحيح ان مفيش اعلان صحيح بشكل رسمي.. لكن جورجينا أثارت الجدل بشكل غير مباشر.. بعد ما نشرت صورة على ستوري انستجرام.. والصورة معمولة بديزاين دعوات الفرح.. ومكتوب عليها اسمها بالكامل والاسم التاني مكانه ظرف مقفول بقلب.. والميعاد التلات 5 مارس.. 2023.. الساعة 7 مساء.. والمكان في العاصمة السعودية الرياض.. 

واضح كده ان السعوديين قالوا كفاية عليهم صحوبية كد.. ولازم نوفق راسين في الحلال.. خاصة ان علاقة جورجينا ورونالدو داخله في السنة التاسعة.. خلفوا خلالها 5 اطفال.. غير ابنه الكبير كريستيانو جونيور الل هي اعتنت بيه زي ما تكون امه واكتر.. 

 ام العيال 

وعلى مدار السنين اللي فاتت اتسأل رونالدو وجورجينا عن معاد جوازهم.. ودايما كانوا بيقولوا انه اكيد هنعمل فرح.. لكن ده ميمنعش انهم بيعتبروا نفسهم اصلا متجوزين.. وحبهم لبعض اكبر بكتير من انهم يعملوا حفلات البدلة والفستان الابيض.. 

وطبعا بالنسبة للناس في الوطن العربي الموضوع مضحك وغريب.. لأن ايه الناس اللى هتتجوز وهما مخلفين 5 عيال دول.. لكن ده عادي بالنسبة للناس في أوروبا بيعتمدوا فكرة اعلان انهم مع بعض.. وأولادهم بيسجلوا عادي من غير قسيمه جواز.. في بالنسبالهم أن عقد الجواز يقيدهم مش بيحافظ على حقوقهم.. 

قصة حب من نظرة واحدة

وقصة حب كريستيانو رونالدو وجورجينا بقت مثال للرومانسية والحب.. بدأت بنظرة اعجاب في صيف 2016.. لما شافها لأول مرة في محل جوتشي.. وكانت بتشتغل هناك بائعة.. وقرر الاتنين يتقابلوا مرة تانية.. وفي الوقت ده.. كان رونالدو لسه خارج من علاقة مع عارضة الأزياء الشهيرة إيرينا شايك سنة 2014.. 

وبعد ما فتحوا قلوبهم لبعض وبعد فترة من المقابلات السرية.. قرر رونالدو أن جورجينا تنقل حياتها علشان تعيش معاه في بيته في مدريد.. في 2016.. وقال عنها كريستيانو.. علقت في دماغي وحسيت ان هي دي.. خاصة أن جورجينا في البداية كانت خجولة جدا.. لكن العاشق كانت تفضحه عيناه.. خاصة أنه لفت نظرها بطولة وشكله وجماله.. خطفها من النظرة الأولى..

وقال رونالدو من فترة ان جيو زي ما بيحب يسميها.. هي ام أولاده وكل أهدافه واكيد هيتجوزها خاصة ان ده حلم امه.. الل كانت طالعه اشاعات بتقول ان رونالدو مأجل جوازه بجورجينا علشان امه خايفه منها وانها معاه بس علشان تاخد كل فلوسه وانها مش بتحبه.. 

إشاعات 

وكمان من فترة مش كبيرة.. انتشرت شائعات انفصال رونالدو وجورجينا وقال إنها كانت متفقة مع زميلها في الشغل انها توقع كريستيانو.. وتستغله وتاخد فلوسه وبعدين تسيبه.. وده طبعا دلوقتي بقى كلام مالوش لازمة.. خاصة ان جورجينا دلوقتي بقت من اغنى نساء العالم.. نتيجة الحملات الاعلانية اللي بتعملها و البيزنس الخاص اللي بتعمله.. 

فـجوازها لو مش النهاردة هيبقى بكرة هيبقى اكيد في وقت قريب.. خاصة انه ارتباطه بيها بقى وثيق وأنها فعلا بتسانده بشكل كبير.. بالاضافة لانها ام ولاده.. الأنا مارتينا وإيفا وماتيو .. واصغر أولادهم بيلا أزميرالدا..