فرح أسطوري وكل النجوم حضروه.. كواليس فرح بنت المنتج محمد السعدي.. أسرار هتعرفها عنه لأول مرة !

فرح أسطوري يليق بـ بنت منتج كبير.. وكل النجوم حضروا الفرح وجملوها.. ومنهم اللي غنالها واللي رقص معاها.. وكان منهم الهضبة ويسرا وأحمد عز وزينة وكمان ليلى علوي ونيللي كريم نمبر وان..

جدل كبير اثاره الفرح الأسطوري لـ “زينة” بنت المنتج ورجل الأعمال محمد السعدي.. فتفاجئ المتابعين والجمهور إن عدد كبير من الفنانين كانوا حاضرين الفرح.. وكانوا حريصين إنهم يحضروا ويجاملون “السعدي”.. ويكونوا مع بنته “زينة” في يوم زي دا.. ويحتفلوا معاه بـ فرح بنته .. ودا اللي خلى كتير من المتابعيين والجمهور يبدأوا يسألوا مين هو محمد السعدي اللي كل النجوم حضروا فرح بنته “زينة”.. وكانوا مهتمين إنهم يجاملونه واقفين معاه ؟ ..

الهضبة غنالها وليلى علوي رقصت معاها 

البداية كانت مع دعوة عدد كبير من النجوم.. عشان يحضروا فرح زينة بنت المنتج “محمد السعدي” نائب رئيس مجلس إدارة الشركة المتحدة للخدمات الإعلامية.. من ابن رجل الأعمال منصور عامر.. واتفاجئ المتابعين والجمهور بحضور عدد كبير جدًا من النجوم والفنانين لفرح “زينة”.. منهم نمبر وان محمد رمضان والهضبة عمرو دياب والفنانة ليلى علوي وأميرة كرارة وأحمد حلمي ومني زكي ونيلي كريم.. وكمان الفنانة زينة والفنانة هنا الزاهد.. دا غير وجود المخرج محمد سامي والفنانة أصالة ضمن المعازيم.. والفنان عمرو سعد ورجل الأعمال أبوهشيمة والمخرج بيتر ميمي.. 

فكل النجوم والمخرجين حضروا الفرح عشان يجاملون “السعدي” ويهنه ويباركون له على جوازه بنته “زينة”.. فغنالها الهضبة في فرحها.. وكمان ليلى علوي والفنانة مني زكي رقصوا معاها.. واحمد عز كان واقف معاهم على الاستيدج وبيغني معاهم كمان.. مفيش فنان ولا فنانة تأخروا عن حضور الفرح.. وكلهم كانوا حريصين إنهم يحضروا ويقفوا جمبه ويجاملون في فرح “بنته”.. 

رئيس أكبر شركة إنتاج

وطبعًا حضور العدد دا من الفنانين والنجوم.. خلى المتابعين والجمهور يستغربوا.. ومش عارفين ايه سبب معرفته بكل النجوم ده خاصة إنه مش فنان ولا نجم.. لكن محمد السعدي ليه علاقات قوية جدًا بـ الفنانين والمخرجين لأنه مخرج إعلانات إعلانات معروف.. وواحد من أهم المنتجين في مصر.. ورئيس مجلس إدارة شركة المتحدة للخدمات الإعلامية.. اللي تعتبر واحدة من أضخم شركات الإنتاج حاليًا.. فـ “السعدي” اشترك مع صديقه رجل الأعمال “إيهاب جوهر” في تأسيس وكالة “Animation” للدعاية والإعلان قبل 31 سنة.. 

وقدرت الشركة تحقق نجاح كبير و تبقى واحدة من أهم وكالات الإعلان المؤثرة في سوق الدعاية.. فالاكيد إنك بتشوف دايمًا اللوجو بتاعها في الإعلانات أو المسلسلات الخاصة بيها تحت اسم “سعدي – جوهر”.. وهما دمج اسم محمد السعدي وصديقه إيهاب جوهر.. ف الاتنين مع بعض حصدوا أكثر من 100 جائزة في الدعاية والإعلان.. ودخل المجال الفني من خلال مسلسل “لعبة نيوتن”.. ومن هنا بدأت معرفة “السعدي” بكل النجوم اللي حضروا الفرح.. فبقي ليه علاقات قوية ومهمة مع الفنانين والمخرجين.. منهم أحمد عز ويسرا وليلى علوي والهضبة ونمبر وان محمد رمضان وزينة وغيرهم من الفنانين.. وعشان كدا كلهم كانوا حريصين إنهم يحضروا الفرح ويجاملوا السعدي في جواز بنتة “زينة”.. اللي طلت في الفرح زي الأميرات.. وكانت متفاعلة مع الفنانين والنجوم  وهما بيغنوا ليها وبيرقصوا معاها.. 

وقولنا ايه رأيك في فرح “زينة” بنت محمد السعدي.. وشفت ازاي حضور الفنانين دول كلهم لفرحها ؟