أحمد مالك خطف قلوبنا في “ولاد الشمس” بدور “ولعة”، الشاب الجدع اللي بيعيش وسط صراعات كبيرة لكنه دايمًا عنده مبدأ وما بيستسلمش للواقع الصعب.
شخصية مليانة تفاصيل نفسية وجسدية، ومالك أتقنها بحرفية شديدة، من بناء جسماني يناسب ملاكم شوارع، لطريقة كلامه، نظراته، مشيته وحتى ردود أفعاله.
ودي خمس أسباب حبينا عشانها ولعة :
جدع وصاحب صاحبه
ولعة صاحب صاحبه بحق. ما سابش إخواته في الدار وقت الشدة، ولما اتقبض عليهم، دخل السجن معاهم بدل ما يهرب، لأنه اللي بيسري عليهم يسري عليه، وأما صاحبه مفتاح طلب منه فلوس ساعده.
بيدافع عن حقوق أخواته في دار الأيتام
مش بس بيهتم بإخواته في الدار، لكنه بيحارب عشان يحميهم. رفض إنهم يشتغلوا في حاجات غير قانونية، ومستعد يضحي بنفسه عشان يضمن لهم حياة أفضل، حتى لو ده معناه إنه يدخل في مواجهة خطيرة مع “بابا ماجد” صاحب الدار.
حلمه في الملاكمة اللي اتحول لقتال شوارع
حلم ولعة كان إنه يبقى ملاكم مشهور ويمثل مصر في الأولمبياد، وفعلاً عنده موهبة جبارة وجسم رياضي قوي، لكنه اضطر يستخدم مهاراته في رهانات الشارع عشان يقدر يعيش، متمسك بحبيبته رغم الظروف
ما فكرش في كلام الناس، ولا في فرق السن، لما حب واحدة أكبر منه. كان مستعد يعمل أي حاجة عشان يثبتلها إنه بيحبها بجد، وإنه مش مجرد شاب مندفع، بل راجل عايز يبني حياة حقيقية معاها.
الأمل اللي عمره ما اتكسر في إنه يلاقي أمه
رغم الحياة القاسية، عمره ما فقد الأمل في إنه يلاقي أمه. الحلم ده هو اللي بيديله القوة يكمل، واللي بيخلينا نحس بإنسانيته ونرتبط بيه أكتر
قصة مسلسل ولاد الشمس
يعد المسلسل هو البطولة المطلقة الأولى لكل من الفنان أحمد مالك وطه دسوقي، ويجسدان خلال الأحداث شخصيتي ولعة ومفتاح، اللذان نشآ في دار أيام تحمل اسم الشمس، وتدور أحداث المسلسل حول الحياة في دور الأيتام وما يواجهه الأطفال والشباب في سبيل تحقيق أحلامهم رغم التحديات التي أعاقتهم في الطفولة.
