يمكن تفتكر إنك تعرف كل حاجة عن النجوم والمشاهير، لكن النهارده هنتكلم عن حاجة ممكن تفاجئك. كتير من الفنانين اللي بنحبهم ونشوفهم على الشاشة مش بأسمائهم الحقيقية، ومعظمهم غيروا أسمائهم لما دخلوا مجال الفن، سواء عشان الاسم يكون سهل أو عشان يضيفوا ليه طابع مميز أو تأثرًا بشخص ما. تعالوا نكتشف مع بعض الأسماء الحقيقية لعدد من كبار نجوم الفن وأشهر أعمالهم.
نبدأ بأيتن عامر، اللي اسمها الحقيقي سمر أحمد محمد عبد الغفار عامر. أيتن اشتهرت بأدوارها في مسلسلات زي “الزوجة الرابعة” و”ابن حلال”، وفيلم “شارع الهرم”، أما عمر الشريف، فاسمه الحقيقي ميشيل ديمتري شلهوب. عمر الشريف أيقونة عالمية، وقدم أعمال خالدة زي “لورنس العرب”، “دكتور زيفاجو”، وفيلم “إشاعة حب”.
ونروح لليلى مراد، اللي كان اسمها الحقيقي ليليان زاكي موردخاي أصولين. ليلى مراد كانت ملكة السينما في الأربعينات والخمسينات، ومن أشهر أفلامها “ليلى بنت الأغنياء” و”قلبي دليلي”.
أما أسمهان، اسمها الحقيقي آمال فهد فرحان الأطرش، وكانت مغنية وممثلة مميزة، وشاركت في أفلام زي “غرام وانتقام” و”انتصار الشباب”، نجوى فؤاد، اسمها الحقيقي عواطف محمد عجمي بيومي، وشاركت في أفلام مهمة زي “الراقصة والسياسي” و”سيدة الأقمار السوداء”.
/>
وما ننساش إسعاد يونس، اللي اسمها الحقيقي إسعاد حماد جمال الدين. إسعاد مش بس ممثلة، لكنها كمان إعلامية ناجحة وبرنامجها “صاحبة السعادة” حقق نجاح كبير. إسعاد قدمت أفلام زي “السيد كاف” و”بكيزة وزغلول”.
أما إيمان، اللي اسمها الحقيقي إليزابيت طوروس سركسيان، فكانت من أشهر نجمات السينما المصرية وشاركت في أفلام زي “إسماعيل يس في جنينة الحيوانات” و”عندما يبكي الرجال”، وأحمد عدوية، اسمه الحقيقي أحمد محمد مرسي، وهو واحد من رموز الأغنية الشعبية في مصر، واشتهر بأغاني زي “بنت السلطان” و”سلامتها أم حسن”.
زيزي البدراوي، اللي اسمها الحقيقي فدوى جميل عبدالله البيطار، قدمت أعمال مميزة زي فيلم “بورسعيد” ومسلسل “المال والبنون”، وتحية كاريوكا، اللي كان اسمها الحقيقي بدوية محمد علي النيداني، كانت من أشهر الراقصات والممثلات في مصر، واشتهرت بأفلام زي “شباب امرأة” و”خللي بالك من زوزو”.
نجي بقى لنور الشريف، اللي اسمه الحقيقي محمد جابر، وكان من أكبر نجوم السينما والتلفزيون المصري. من أشهر أعماله مسلسل “لن أعيش في جلباب أبي” وفيلم “حنفي الأبهة”، بوسي، اللي اسمها الحقيقي صافيناز مصطفى قدري، قدمت أدوار مميزة في أفلام زي “حبيبي دائمًا” ومسلسل “أحلام الفتى الطائر”.
أما نورا، اللي اسمها الحقيقي قدريه مصطفى قدري، كانت من نجمات السينما في الثمانينات وشاركت في أفلام زي “العار” و”جرى الوحوش”، سامية جمال، واسمها الحقيقي زينب خليل إبراهيم محفوظ، كانت من أشهر الراقصات في مصر، وشاركت في أفلام زي “تعال سلم” و”الرجل الثاني”.
أما سوسن بدر، اللي اسمها الحقيقي سوزان أحمد بدر الدين، فهي من نجمات الشاشة الصغيرة، وشاركت في مسلسلات زي “حديث الصباح والمساء” و”البرنس”.
نجي لأم كلثوم، اللي اسمها الحقيقي فاطمة إبراهيم السيد البلتاجي، وهي طبعًا كوكب الشرق وأسطورة الطرب العربي، وتعتبر أغانيها زي “إنت عمري” و”ألف ليلة وليلة” من العلامات البارزة في الموسيقى العربية، خيرية أحمد، اللي كان اسمها الحقيقي رسمية أحمد إبراهيم، كانت من أشهر الفنانات الكوميديات وشاركت في مسلسلات زي “ساكن قصادي” و”عائلة الحاج متولي”.
أما شادية، فكان اسمها الحقيقي فاطمة أحمد كمال شاكر، ودي بقى كانت واحدة من نجمات الزمن الجميل، وأشهر أفلامها “معبودة الجماهير” و”الزوجة 13″، وصباح، اللي اسمها الحقيقي جانيت جرجس فغالي، كانت أيقونة الفن العربي واشتهرت بأغاني زي “زي العسل” وأفلام زي “الأيدي الناعمة”.
عبد الحليم حافظ، اللي اسمه الحقيقي عبد الحليم علي شبانة، كان العندليب الأسمر وقدم لنا أعمال لا تُنسى زي أغنية “أهواك” وفيلم “الوسادة الخالية”، أما عماد عبد الحليم، اللي اسمه الحقيقي عماد محمد علي سليمان، كان من أشهر مطربي جيله، وقدم أغاني زي “طريق الأحلام” وشارك في مسلسل “الضباب”.
فاتن فريد، اللي اسمها الحقيقي نبيلة عباس، كانت فنانة مميزة وقدمت أفلام زي “وحوش الميناء” وأغنية “أنا مالي”، لبلبة، اللي اسمها والحقيقي نيوتشكا مانوك كوبليان، كانت من نجوم الكوميديا في السينما المصرية وشاركت في أفلام زي “احترس من الخط” و”عصابة حمادة وتوتو”.
محرم فؤاد، اللي اسمه الحقيقي محرم حسين أحمد علي، كان من أشهر مطربي جيله وقدم أغاني زي “الحلوة داير شباكها” وفيلم “وداعًا يا حب”، محمد الكحلاوي، اللي كان اسمه الحقيقي محمد مرسي عبد اللطيف، اشتهر بأغاني دينية زي “يا رسول الله” وشارك في فيلم “أمير الإنتقام”
محمد الموجي، اللي اسمه الحقيقي محمد أمين محمد، كان من أشهر الملحنين في مصر، وقدم ألحان رائعة لعبد الحليم حافظ وأم كلثوم، محمود شكوكو، اللي اسمه الحقيقي محمود إبراهيم إسماعيل، كان من رواد فن المونولوج وشارك في فيلم “عنتر ولبلب”.
نجاة الصغيرة، اللي اسمها الحقيقي نجاة محمد حسني، كانت من أشهر مطربات الزمن الجميل، وقدمت أغاني زي “عيون القلب” و”أيظن”، هدى سلطان، اللي كان اسمها الحقيقي بهية عبد العال، كانت من نجمات السينما والتلفزيون المصري وشاركت في فيلم “امرأة على الطريق” ومسلسل “الوتد”.
غسان مطر، اللي كان اسمه الحقيقي عرفات داوود المطري، كان من أشهر الفنانين الفلسطينيين وشارك في أفلام زي “الأبطال” و”العصفور”.
