بدأت من سنين.. مفاجآة في علاقة فيفي عبده بوالد تامر حسني
![](https://onetakeeg.com/wp-content/uploads/2024/02/bfbac82b-38bf-481d-812a-ec0ace70cb26.jpeg)
قالت عليه ابني.. وقابلته بالاحضان.. لقاء بين تامر حسني وفيفي عبده.. يكشف طبيعة العلاقة الل جمعتها بوالده من سنين..
علاقة فيفي عبده وتامر حسني
عمرك سألت أيه العلاقة الل ممكن تكون بتجمع بين النجم تامر حسني والفنانة فيفي عبده.. خاصة في كل مناسبة بيظهروا فيها مع بعض بيكون في بينهم كيميا كبيرة.. والاتنين بيتعاملوا مع بعض وكأنهم عايشين طول عمرهم مع بعض.. ومن عيلة واحده..
هو صحيح هما مش من عيلة واحده ومبتجمعهمش قرابة عائلية لكن بيجمع الاتنين عامل مشترك مهم جدا.. الفنان حسني شريف.. والل ميعرفش مين حسني شريف.. فهو فنان ومطرب مصري شهير اتعرف في فترة الستينات والسبعينات.. والل هيفاجئك ان الفنان حسني شريف.. هو والد تامر حسني الل سابه وانقطع عنه لمدة 20 سنة كاملة.. طيب وده ايه علاقته بفيفي عبده..
صداقة قديمة
علاقته كشفها تامر حسني في اخر لقاء جمع بين الثنائي.. بعد ما تامر استقبل فيفي في الفندق.. استقبال حار جدا.. وكان واضح على الاتنين سعادتهم بالمقابلة دي.. وقالت لل موجودين ده ابني.. اقسم بالله ابني.. طبعا الموجودين كانوا فاكرينها بتهزر وقعدوا يقولولها لا اخوكي الصغير.. ع اساس مفيش فرق سن كبير وكد..
لكن وضحت فيفي وتامر.. ان العلاقة الل بتربط بينهم اقوى من الزمالة والفن.. لان فيفي عبده ووالد تامر حسني الفنان حسني شريف.. اصدقاء مقربين جدا.. من وقت كا كانوا صغيرين.. وجمعهم شغل مع بعض في بداية مشوارهم.. خاصة ان حسني شريف اشتغل فترة في ملاهي ليلية..
وعلى الرغم من ان حسني نفسي اتخلى عن تامر وسابه لامه 20 سنة.. وساب مصر كلها وسافر.. الا ان فيفي بتتعامل مع تامر على انه ابنه وابن صديق عمرها.. وده الل بيبان في كل مرة بيتقابلوا فيها..
انفصال وهجر
وبسبب انفصال حسني شريف عن والدة تامر حسني وانه سابهم وسافر.. اضطر تامر انه يشتغل شغلانات كتير.. واتعرص لصعاب وتحديات كتير في حياته.. ف اشتغل في محطة بنزين وسوبر ماركت وبياع عطور وبنا.. htt وصحيح هو سابه ومشي بس سابله موهبته.. الل بعد سنين طويلة من الفراق رجع لابنه الل سابه طفل لا حول له ولا قوة.. ولقيه بقى نجم الجيل وواحد من اهم فنانين مصر..
بعد عشرين عاماً.. اتقابل تامر مع ابوه.. وعلى الرغم من انه عاش من سن 5 سنين من غير اب.. ميعرفش عنه حاجه غير انه سابه ومشي.. كان الامور عند تامر بمنتهى البساطة.. وعبر عن سعادته الشديدة بانه شافه.. حتى مهتمش انه يسأله سابهم ليه.. وقال انا عايش ببركة دعائه هو وامي ورضاهم.. وظهروا مع بعض في اكتر من مناسبة وغنوا كمان مع بعض..
: مطرب شهير
والفنان حسني شريف شارك في عدد من الافلام منها فيلم مسعود سعيد ليه وليه عدد من الاغاني الشهيرة.. ابرزها مين زيك مين..
بدأ نشاطه السينمائي في الستينيات وظهر في مجموعة افلام في التمنينيات.. منها فيلم جدعان حارتنا وكدابين الزفة.. وكمان شارك في 8 افلام كممثل في ادوار صغيرة او مطرب.. كان اخرها الجوازة دي مش لازم تتم..
وشارك في غنا التواشيح لمسلسل الحرملك لبوسي وكرم مطاوع.. سنة 1983.. قبل ما ياخد القرار بانه يسافر.. وفعلا راح سوريا واستقر هناك لفترة طويلة جدا.. وقالت عنه اسعاد يونس.. لو كمل في مصر كان بقى له شأن كبير..
وبعد ما خد وقته في سوريا رجع تاني على مصر واتلم شمله مع اولاده.. لكنه بعد عن الفن تماما.. واقتصر ظهوره الفني على الكام مناسبة الل ظهر فيهم مع تامر حسني..