خلل كبير وانحدار وخطر على الأجيال.. محمد هنيدي يعلق على أزمة البلوجر
كتبت: أميمة أحمد
عبر الفنان محمد هنيدي لأول مرة عن رأيه في أزمة القبض على البلوجر.
وكتب محمد هنيدي تعليق مطول خلال بث مباشر للأعلامي محمود سعد قائلا:” المشكلة مش الذوق العام ولا فكرة تدخل الدولة، المشكلة أعمق بكتير”.
وأوضح:” هي إن نوع معين من المحتوى “الشعبي”، اللي فيه حوار شعبي، شوية شتيمة، شوية إيحاءات جنسية، بقى يعجب شرايح كبيرة جداً من الناس، بصراحة، حتى إحنا ممكن نتوقف ونتفرج، كفضول؟”.
وتابع:” الناس دي بقت مصدر جذب أكتر من السينما والتلفزيون، ومع كل لايك ومشاهدة، يطلع ناس تانية تسيب شغلها وتقول “أنا كمان هعمل ده”، في الأول بيبدأ لايف بسيط، ومع الوقت، ومع قلة الفلوس، الناس دي تبدأ تزود في الانحدار علشان تجيب مشاهدات، والكارثة؟ الجمهور موجود”.
وأشار:” تيك توك بقت المنصة الأولى في الشرق الأوسط ومصر، لو نزلت مول البستان أو مول أركان، هتلاقي ٧٠٪ من الناس عارفين التيكتوكر واحد واحد، بقى عندنا نجوم بيعملوا إعلانات، وبيتكرموا، وبيتصوروا في كل مهرجان، النتيجة؟، العقل الجمعي للمجتمع بيتغير، الجيل الجديد بقى شايف إن ده هو “الصح”، وده هو النجاح، وناس كتير، رغم إنها مش قادرة تعمل زيه، لكن بتحس بإحباط”.
واختتم:” واحد بيشتم ١٢ ساعة، والتاني بيشتم أهله وبيقول لفظ خارج ويكسب أكتر منه بـ ١٠ مرات، أنا مش مع المنع، بس صعب ننفي إن في خلل كبير.
خلل بيمس العقول، والوعي، وشكل المجتمع نفسه، تأثير حقيقي.. وخطر جداً على أجيال كاملة”.
وكانت أثارت وزارة الداخلية حالة من الجدل العام عقب القبض على بعض من صناع المحتوى ومنهم” شاكر، مداهم، سوزي الأردنية، علياء قمرون، أم سجدة، أم مكة، مروة مديعة ابنة الرئيس”.
