بحبكم أوي والشتيمة بتكبرني.. رانيا يوسف ترد على منتقديها

ردت الفنانة رانيا يوسف على منتقدي رقصها في مسلسل “جريمة منتصف الليل” الذي عرض في السباق الرمضاني 2025 مؤكدة أنها ليست راقصة محترفة ولا تجيد الرقص.

كما وجهت رسالة لمنتقديها قائلة: “بحبكم أوي لأن الكره والشتيمة نوع من الاهتمام والاهتمام يعني حب شكرا أنكم مهتمين بيا وشكرا أنكم بتشتموني الشتيمة بتكبرني”.

وقالت رانيا يوسف خلال تصريحات تلفزيونية: :”أنا كنت ضيفة شرف في المسلسل ومن ضمن المشاهد مشهدين بس رقص، اللي ركز في المسلسل هيحس إنها مش راقصة محترفة هي ملقتش شغلانة غير أنها ترقص وده بناء على ظروفها اللي عدت بيها”.

وأضافت: “وبالنسبة لي أنا مش راقصة محترفة ومكنتش برقص كويس لأني قبلها بأربع أيام كنت عاملة عملية فتح بطن كبيرة وللأسف المنتج كان حجز القاعة ودفع الفلوس ومعرفناش نغير ميعاد التصوير، خدت مسكنات كتير ونزلت وحتى لو معرفتش أرقص أنا مش راقصة محترفة”.

وجدير بالذكر ظهرت الفنانة رانيا يوسف مع ابنتها نانسي محمد مختار وهما ترقصان خلال افتتاح مشروع جديد ومدرسة رقص بالإمارات بصحبة الراقصة جوهرة.