حل الفنان الشاب مصطفى غريب ضيفًا في برنامج صاحبة السعادة، وتحدث عن العديد من الأشياء أهمها علاقته بالفنان أحمد مكى .
وقال غريب:” ده وش الخير و وش السعد على كل الناس.. الأستاذ أحمد مكى كان سبب فى ظهور ناس كتير أوى.. ربنا دايما بيبقى حابب إن فيه ناس تبقى أسباب لناس تانية، بدايتى معاه كنت بعمل معاه مسرحية فى 2019 و عرفنا بعض فيها و يقعد يعدل فى مشاهدنا و يزود مشاهدنا لإن المسرحية دى كانت فى السعودية و محدش يعرفنا هناك بس مكناش على صله ببعض لا معاه رقمنا ولا معانا رقمه ولما المسرحية تخلـص يروح
وأضاف:” لحد ما رجعنا مصر جت الكرونا بقى و كل واحد ما يعرفش حاجة عن التانى لمدة سنة ونص و بعد كده لقينا مكتب يكلمنى عشان أعمل معاه حاجة فا بسأل إيه ما بيقولش طب هاجى اعمل ايه يقولى تعالى و خلاص و كنت وقتها بعمل مسلسل موسى لحد ما روحت هناك فا فهمت إن الموضوع ليه علاقة بالأستاذ أحمد مكى و عملنا معاه إعلان ميزة و عرفت هناك حاتم صلاح و الأستاذ أحمد الجندى
بعد فترة المكتب كلمنى تانى عشان نعمل بروفات على مسلسل الكبير أوى 6.
وتابع أنا فرحت طبعا ده مسلسل الطــفولة أنا روحت على طول طبعا وقلت حتى لو ما عملتش الدور فا كفاية إنى عملت بروفا فا كنت هعمل دور نفادى و حاتم هيعمل العترة فا قالو لأ مصطفى وشه يبان اصغر فا حاتم هو اللى نفادى وكان دورى من أكبر الأدوار اللى مكتوبة.. فا عرفت هناك رحمة أحمد و ظاظا و الناس الحلوة دى.. في الشغل مع الأستاذ مكى و الأستاذ الجندي حاجة حلوة كده مفيش دوشة و مفيش زعل و حالة جميلة كده فا شكرا للأستاذ مكى و الله
