محامية تخرج من قلب القاهرة العتيقة، بتقرر انها تدافع عن المظلومين والمقهورين، وما بين مساعدة البسطاء وجوزها عديم المسؤولية، بتكتب نعمة الافوكاتو شهادة ميلاد جديدة لمي عمر.
نعمة الافوكاتو
كتير بيشوفوا ان مي عمر مش الممثلة الامهر وأنها دخلت المجال بفضل جوزها المخرج محمد سامي، لكن عمل بعد عمل بتثبت مي انها ممثلة شاطرة بتطور من نفسها و تشتغل عليها.. ويمكن السنادي في نعمة الافوكاتو تكتب شهادة ميلاد جديدة لها كممثلة، في عمل جديد عليها، تجربة جديدة تجمعها بزوجها محمد سامي الل بيعرف حرفيا من اين تأكل الكتف..
وتصدر اسم مسلسل نعمة الافوكاتو التريند من بداية رمضان بأحداثه المشوقة، وأداء مي عمر اللى اقل ما يقال عنه السهل الممتنع، وده بشهادة اساتذة كبار في الفن والإعلام، وأبرزهم وزير الإعلام السابق أنس الفقي والمخرج مجدي الهواري، اللي قال انه بعد اللى شافه من مسلسلات خلال الأيام الاولى.
يقدر يقول ان من اصعب واحلى الشخصيات النسائية في التمثيل.. هي شخصية نعمة أبو علي لمي عمر في مسلسل نعمة الأفوكاتو.. لانها بتسمع الكلام.. والشخصية تبدو سهلة وبسيطة لكنها شخصية مركبة ومتناقضة في نفس الوقت.. بمعنى اصح السهل الممتنع.
شخصية مركبة
أما أنس الفقي قال.. عن نعمة سعيد أبوعلي الأفوكاتو ايه اللي بتعمله مي عمر ده هل مي قررت تكتب شهادة ميلاد جديدة لنفسها كنجمة متألقة ومبهرة،أداءها سلس وتلقائي لشخصية تبان بسيطة لكنها مركبة وصعبة بتجمع بين الضعف والقوة.. السطحية والعمق.. غاية الخير على فطرته ومنتهى الشر الل ممكن تخلقه تجارب الحياة في الإنسان ورغم أن الحدوته اكلاشيه الا ان اداء مي عمر اداها طابع خاص جدا واثبتت انها من اهم وافضل نجمات رمضان 2024.
نعمة الافوكاتو باختصار هي محامية شابة نشأت في أحد أحياء القاهرة العتيقة، مكتبها عبارة عن زاوية صغيرة في قهوة في حي شعبي.. تتكفل بقضايا المظلومين والمقهورين واللى بيدوروا على حد يمد لهم يد العون والمساعدة.. حياتها بتمشي ما بين مساعدة الغلابة في القضايا وبين الدفاع عن حقوقها في بيتها مع جوزها اللي بيعرضها لاقصى انواع الضغوط.. شخص عديم المسؤولية.. بتصرف هي على بيته من الأتعاب اللى بتاخدها من بعض القضايا.
عديم المسؤولية
وجوزها صلاح الذي يجسد شخصيته الفنان أحمد زاهر.. بيشتغل في محل بيع منبهات، معندوش اي فلوس يصرف بها على البيت، علشان كده قرر يجبر نعمة على عدم الخلفة.. ورغم ان الكل حذرها وقالها ده اتكالي وعديم المسؤولية لكنها مسمعتش كلام حد.. وفضلت تدافع عنه لحد ما شافت خيانته ليها بعنيها.. ومن هنا يتقرر نعمة الانتقام..
بتكتشف نعمة ان جوزها وزميلتها ياسمين بيحاولوا يدفنونها حية.. وتعرف لعبتهم وتقرر الانتقام منهم.. ده اللي بيبان في أحداث تم عرضها في الحلقة الاولي قبل ما ترجع الأحداث لعشر ايام لورا.. كانت حياة نعمة مختلفة تمام..
خيانة
بتكسب قضية وبتاخد اتعاب 10 مليون جنية.. بعد ما تجيب البراءة.. بتقسمهم نعمة على جوزها وابوها.. وبتبقى معاها مليون جنيه.. لكن جوزها عض اليد اللي اتمدتله.. وبدأ يكون اناني.. ويتعرض عليها فرصة شغل بمرتب 200 ألف جنية في الشهر.. بتقبيله نعمة بعد رفض.. ويصرف صلاح الفلوس على نفسه عربية وسهر وبنات.. وفي مرة نعمة بتكون موجودة في القيم وبتلاقي جوزها داخل عليها متلبس في قضية اداب..
بتحاول نعمة تتأكد من خيانة جوزها ليها.. وبيضحك عليها وتصدق انه مخدنهاش وتحاول تقنعه بالخلفه لكنه يرفض تاني وبيطلب منها انهم متستعجلوش.. وبيعرف صلاح أنه مكسبش قضية الوقف وان الفلوس فلوس نعمة.. وبتكتشف كمان نعمة خيانته لها مع ياسمين اللى تجسد دورها اروى جودة.
