سوسن بدر تتحدث عن مواصفات شريك حياتها: مفيش حب بس في ثقة وتفاهم وراحة

كتبت: أميمة أحمد

عبرت الفنانة سوسن بدر عن رأيها في الارتباط مرة آخرى حيث قالت:” في ناس قالت إن طول العشرة ممكن أن يفسد حلاوة الرحلة”.

وتابعت سوسن خلال استضافتها في برنامج كلام نواعم:” الكلام ده خاطئ أنا لم يقدر لي أن أستمر طويلا في زيجاتي، ولكني أعتقد من صديقاتي الذين استمروا في الحياة الزوجية أن هذا خاطئ”.

وأكملت:” لا توجد حياة زوجية مثل سندريلا، إنما طول العشرة معناه أننا استحملنا بعض وفهمنا بعض، وقدرنا نتخطى عقبات كانت ممكن تؤدي لفشل الزواج وهنا مرحلة تانية اسمها إحنا بنحب بعض”.

وعن مواصفات شريك حياتها قالت:” أنا تخطيت كل ده ومبقاش عندي طول الرحلة وعشان كده المواصفات مبقاش فيها الحب الشديد إنما هي الثقة والتفاهم والراحة ويكون شخص عارفة تتكلمي وتضحكي معاه ودي حاجة مهمة جدا أنا مش متخيلة حياتي مع حد مش عارفين نضحك، لو مش فاهم النكتة ولو مش فاهمين الضحك مع بعض هنفهم الجد إزاي؟ يبقى فيه حاجات من اللي بحب أعملها، أنا بحب أقعد ساكتة ساعات فميزهقش مني أقعد أنت كمان ساكت، بالنسبة ليا بحب أقعد أمسك كتاب فشوف أنت بتحب إيه”.

ومن جانب آخر يذكر أن الفنانة سوسن بدر حققت نجاحا كبيرا من خلال مسلسل “الكابتن” من بطولة أكرم حسني والذي عرض في السباق الرمضاني 2025.