معندوش قبول في السينما.. وعلاقته بندى الكامل ضرته.. وبيحب الجواز العرفي.. ومش عاوز يخلف علشان مش بيحب المسؤولية.. عمر كمال يثير الجدل بتصريحات صادمة..
الجواز العرفي
أثار المطرب الشعبي عمر كمال جدل كبير جدا بتصريحاته الاخيرة.. اللي قالها في آخر ظهور تلفزيوني ليه على شاشة القناة الاولى.. واكد فيها انه شايف الجواز العرفي حلو خاصة انه مش عاوز يخلف..
اتكلم عمر عن الارتباط في حياته بشكل عام.. وأنه قد ايه مش محظوظ.. وان امه عمرها ما عرضت عليه عروسة.. وقال انه حب مرتين ومنجحش وانتهت كل القصص عادي والجواز العرفى بالنسباله كويس والعلاقات على النت كتير..
واعترف ان كان في فترات في حياته مكانش متزن فيها.. ولما ارتبط وقالها انه مش عاوز يخلف.. رد فعلها كان غاضب وقال.. انا عايزة اتجوز بس ميكونش عندي وأما عن الخلفة مسئولية تقيلة ووجع قلب ومش هعرف أربي ولا هكون أب حنين وهبوظ الولد..
دكتور نفساني
واعترف عمر بعلاقتة بطليقة أحمد الفيشاوي ندى الكامل.. وانه راح بسببها لدكتور نفساني.. وقال.. كل فترة لازم أزور الطبيب النفسي وأفضي كل اللي جوايا، السنة اللي فاتت مكنتش كويس ولا في أحسن حالاتي لكن السنة دي أفضل..
وأكد انه مكانش متزن أثناء العلاقة دي.. حظه وحش في الحب.. الحاجه الوحيده اللي معرفش يفلح فيها.. وانه اضايق من تحريف تصريحاته في اللقاءات التلفزيونية بخصوص علاقته العاطفية..
وقال ان ندى الكامل مكانتش فاتحة خير عليه.. والمفروض الإنسانة اللي معاه لما تلاقيه بيعمل الغلط المفروض متملش معاه المفروض تعديله.. وكمل وقال.. كانت تجربة مش كويسه.. والسلبي فيها كان اكثر من الايجابي.. وأنا اللي خدت قرار الانفصال..
النفس اللوامة
وكمل وقال.. انا حبيتها أكيد لكن التجربة ضرتني.. أنا دايمًا عندي النفس اللوامة.. وطول ما أنا بدخل ربنا في طرف الميزان همشي كويس.. وممكن أكون في علاقة وعصيت ربنا.. فربنا يديني قلم ويكسرني..
واتكلم عمر عن مواصفات فتاة أحلامه.. وانها تكون بنت ناس.. وان شغلتها في الحياة تكون عمر كمال.. وتكون بنت حلال ومش معترضه على رغبته في عدم الخلفة.. وأهم سبب في أسباب رفض عمر كمال للخلفة انه يقدر ينفصل في أي وقت براحته وميعملش حساب لحاجه..
وقال عمر إن دمه واقف ومش مقبول خاصة في السينما.. وأنه جرب يمثل بس مكانش حلو.. وكمل وقال.. مرة واحد شغال معايا في محل براويز قالي أنت لا صوت ولا شكل.. وخدت بكلامه وفضلت مكتئب سنتين.. وناس كتير كسرت نفسي..
/>
ارباح يوتيوب
وتكلم عمر عن تقسيم أرباح المهرجانات.. بعد تنزيلها على يوتيوب.. وطمع حمو بيكا في الاول.. وأنهم كانوا بيتفقوا مع بعض هو وحمو وحسن شاكوش.. ان كل واحد فيهم ينزل على قناة اليوتيوب الخاصة بيه مهرجان وهو ورزقه.. لكن كبروا والدنيا بعد كده بقت تمام.. ومن وجهة نظره ان حمو بيكا لازم يمثل.. علشان شبه طلعت زكريا..
واتكلم عن بداياته وقال.. نزلت أول مرة رمسيس ومعايا عشرة جنيه في جيبي.. ورحت اشتغلت في مطعم في رمسيس وكنت باخد 300 جنيه في الشهر.. وبدفع 150 إيجار شقة وبصرف 150 أكل.. وكمل وقال.. مفيش حد في الحياة يضرب حد من الجمهور بالقلم.. لو حد ضربني غصبن عنه.. استحالة اضرب حد من جمهوري..
