دخل بيت أصالة وحلمي بكر طرده على الهوا.. واتهم بإهانة أحمد زويل.. قالوا عنده 10 مليون جنية.. ونور النبوي كسب صداقته.. رحلة كزبرة من مطرب مهرجانات موقوف.. لبطل فيلم الحريفة..
أغلب الشباب على تيك توك والسوشيال ميديا كانوا يعرفوا مين هو كزبرة.. ولفترة طويلة كان معروف بكزبرة وحنجرة على بعضها كد.. زي اوكا واورتيجا.. قبل ما ينفصل ويحاول ياخد طريق لنفسه.. جمهوره كان اغلبه سواقين التكاتك والميكروباصات في المناطق الشعبية.. نظرا لطبيعة اغانية والمهرجانات الل كانت بيغنيها.. والل قطاع كبير جدا من الشعب واهل الفن اصلا رافضينها..
لحد ما حصلتله اهم نقلة في حياته.. وهي فيلم الحريفة.. واتحرك من مكان طول الوقت فيه بيتهاجم ومرفوض لمكان مهم وكبير وكل الل شاف الفيلم بقي بيحبه.. وبقت شريحة متابعينه والل يعرفوه جمهور الفن المصري عموما والسينما بشكل خاص.. مهو بقى نجم سينمائي..
مطرب مهرجانات بالصدفة
اسمه أحمد خالد واتشهر باسم كزبرة علشان يبقى على وزن صاحبه حنجرة ويليق على الثنائية الل هيعملوها مع بعض.. درس في كلية التجارة الخارجية جامعة حلوان وبدأ يغني مهرجانات من خلال مقطع كوميدي كان الغرض منه التمثيل.. ده لانه الدغ وبقى مطرب مهرجانات الصدفة..
حقق مشاهدات كبيرة جدا واسمه بقى معروف وسط مطربين المهرجانات.. خاصة بعد فيديو محدش سامعني ليه.. وبقت المشاهدات الكبير الل حققها بدأ الكلام على انه بيكسب ملايين من اليوتيوب فطلع كزبرة ورد عليهم وقال.. كل ما أفتح الفيس بوك .. اسمع أن كزبرة وحنجرة يلعبوا فى 10 مليون جنيه ..ويكسبوا كام في الشهر.. إحنا على الله.. ومش معانا حاجة.. أنا راجل عندى دوالى في رجلى من الوقفة.. وصاحبى حنجرة شغال على عربية.. حالته تصعب على الكافر.. وأنا بدور على بنزيمه أنزلها.. عشان هي وقف من الحال من كله
سبب اسم كزبرة
ووقت الهوجه الل حصلت على مطربي المهرجانات وقت رئاسة هاني شاكر لنقابة الموسيقيين.. ناب كزبرة وحنجرة من الحب جانب وتم وقفهم.. ووقتها ظهر في برنامج مع الملحن حلمي بكر.. الل اتريق على اسمه
وقاله العطارة مليانع كتير وفي كزبرة وكمون وفلفل.. ورد عليه كزبرة وقاله لو لقيت حد سماني كاظم كنت اتسميت.. وطلب منه بكر يغني من غير موسيقي.. واول ما بدأ يغني مقدرش يمسك نفسه من الضحك فاتعصب حلمي بكرة وطرده على الهواء..
الاساءة لزويل
ومن الأزمات الل اتسببت في وقف كزبرة عن الغنا كليب اغنيته عليا الطلاق.. وظهور صورة العالم الكبير أحمد زويل.. في الخلفية.. والل اعتبرته النقابة اساءة لزويل واتحول للتحقيق واتوقف عن الغنا بسببها وقدم كزبرة اعتذار رسمي وحذف الصورة من الكليب.. واكد انه مكانش يقصد اي اهانة ليه.. بالعكس..
وبعد كل الازمات الل اتعرض ليها كزبرة والوقف اكتر من مرة.. جاتله فرصة الحريفه الل قال عنها انها حلمه الل اتحقق.. وبقت نقله تانية خالص في مشواره الفني.. ونقله في حياته عموما وجمهوره الل بقى متابعه شريحه اكبر بكتير وطبقات مختلفة..
فيلم الحريفة
ومن الحاجات اللطيفة الل طلعت من فيلم الحريفة.. إن الطبقات ساحت على بعض.. وبقى اصدقاء كزبرة المقربين هما نور النبوي ابن الفنان خالد النبوي.. الل لما اتسأل عن مكاسبه من فليم الحريفه مترددش انه يقول.. صداقة كزبرة.. الل كل الناس حرفيا في الفيلم مبتحبش زيه.. غير اغنية الفيلم الل كسرت الدنيا..
وكمان خالد الذهبي ابن الفنانة اصالة الل فيديوهاتهم مع بعض بقت تريند تاني لوحده بعيدا عن الفيلم.. وعرفت الجمهور ان خالد ابن اصالة.. وظهر في الفيديوهات وهو بيقول ان اصالة هتعمل معاه اغنية.. وادى لخالد ابنها 3 الاف جنيه عربون.. وفي فيديو من الفيديوهات كلم خالد اصالة في التليفون.. وبالطريقة كد هزقت الاتنين وقالتلهم انتو فاضيين انا مش فاضيالكم واخدت كزبرة على قد عقله وقالتله حاضر هتبقى في البومي الل جاي.. قبل ما يروح يزور بيت إصاله نفسها ويعمل فيديو جديد مع خالد قدام صورتها.. وشكل سلسلة كزبرة وابن اصالة لسه فيها فيديوهات تانية مطلعتش..
