![](https://onetakeeg.com/wp-content/uploads/2024/07/IMG-20240710-WA0137.jpg)
تامر حسني اشتغل في الفاعل.. وكاظم الساهر كان يبيع ايس كريم.. وعادل امام مكانش قادر يشتري حتة شكولاتة.. وعمرو سعد كان صنايعي.. ومحمد رمضان مكنش لاقي اللضة.. نجوم كانوا فقراء ونقلهم الفن للثراؤ
الزعيم الفقير
تعتبر مرحلة البدايات في حياة كل فنان من المحطات مش ممكن تتنسى.. وبتفضل في الذاكرة راسخة رغم مرور السنين.. وفي نجوم ميقدروش يمسكوا دموعهم لما يفتكروا الحاجات دي.. ومنهم الل دلوقتي بقى يمتلك ثروات مالهاش حصر.. نتيجة أجورهم المرتفعة.. ووصلوا للثراء بعد الفقر المدقع..
ومن ابرزهم.. الزعيم عادل إمام.. ممكن محدش يصدق انه واحد من أثرى أثرياء الفنانين.. كانت حياته صعبة وعاش من الفقر رقات لدرجة انه مكنش بيعرف بشرتي اللحمة.. وقدر يحول الزعيم مأساته للكوميديا..
وبيقول الزعيم انه اتردد يخطب زوجته.. علشان مكانش معاه تمن الشبكة وفضل يعيط وبعد عن بيتها لمدة سنة كاملة.. وحبها ليه كان الدافع انه يرجع من تاني.. وقبلته رغم فقره..
الشوكولاته
عادل امام والده كان موظف بسيط في الشرطة.. وفي مرة كان عادل إمام معدي من قدام محل وشاف حته شوكولاته كانت عجباه جدا.. ومشي وفضل كاتم جواه.. وكان دخوله لكلية الزراعة نقطة التحول في حياته بعد ما انضم للمسرح الجامعي وبدأت تتشكّل موهبته.. وفي السبعينيات عرفه المصريين والعرب في سلسلة من الأفلام من أهمها «البحث عن فضيحة».. و«رجب فوق صفيح ساخن».. لحد ما اتربّع على عرش الكوميديا بأكثر من 120 فيلم سينمائي.. وثروته بقت طائلة حرفيا.. والأعلى أجرا بين الفنانين..
تامر حسني
كمان الفنان تامر حسني حياته وهو صغير كانت حالته صعبة جدا.. انفصل عن والدته وهو عنده 7 سنين.. وفجأة “تامر” لقى نفسه بدل ما يعيش طفولته مفروض أنه يشتغل ويصرف على البيت.. بالفعل اشتغل في حاجات كتير زي أنه يبيع في سوبر ماركت.. أو بياع عطور في الشارع.. واشتغل في الفاعل كمان..
حلمه كان انه يبقى لاعب كرة مشهور.. بس والدته كانت شايفه انه بيغني أحسن.. واتعلم تامر الغناء.. وحط رجله على اول الطريق.. ووصل لانه يبقى من أشهر المطربين على الساحة الفنية..
محمد رمضان
كمان الفنان محمد رمضان كان من أسرة بسيطة جدا.. عايشه في منطقة المنيب.. كان بينزل يلف على رجليه علشان يلاقي مكتب انتاج يقبل يشغله.. مثل على مسرح المدرسة السعيدية.. ولما خلص المدرسة قرر أنه يدخل معهد التمثيل.. بس سقط..
وفي يوم كان معدي من جمب مسرح “متروبول” ولقى بوستر مسرحية “قاعدين ليه” للفنان الكبير سعيد صالح.. فقرر إنه يدخل ويقابله.. الأمن طبعا منعه في الأول بس دخل من وراه.
ونجح محمد رمضان أنه يقابل سعيد صالح.. وقاله “أنا ممثل وبسعى وكل لما أروح لمخرج يقولي سيب صورتك وحضرتك أنا لا عينيا خضرا ولا شعري أصفر.. وقاله.. أنا كل اللي طالبوا من حضرتك تشوفني وأنا بمثل وأنك متقوليش أسيب صورتي زي أي مخرج بيقولي سيب صورتك.. وفعلا تمثيله عجب سعيد صالح.. ومثل معاه المسرحية في نفس اليوم..
عمرو سعد
وسط 9 اخوات عاش الفنان عمرو سعد في اسرة متوسطة مروا بظروف صعبة منها اشتغل صنايعي علشان ملقيش في جيبه ولا جنيه.. وفي نفس الوقت كان عنده حلم التمثيل.. بس بردو عانى.. في مرة كان رايح يمثل في مسلسل والمخرج طردوا عشان شافوا مش موهوب..
وجرب عمرو إنه يروح يقابل المخرج الراحل.. يوسف شاهين.. اللي كان بيكتشف الوجوه الجديدة واشتغل معاه في فيلم “الآخر”.. لكن التجربة المهمة بالنسبة ليه هى تجربة فيلم “دكان شحاتة”.. ومنها انطلق وبقى نجم النجوم..
محمد فؤاد
كمان الفنان محمد فؤاد.. كان من أسرة متوسطة عايشه في منطقة عين شمس.. والده كان نجار.. واتعلم محمد في مدرسة الصنايع ولما خرج قرر إنه يشتغل عشان يساعد والده في مصاريف البيت..
أهل منطقته هما اللي اكتشفوا إن صوته حلو وخلوه يغني في أي فرح في المنطقة. وبعدين اتعرف “فؤاد” على الفنان عزت أبو عوف، في نادي الشمس وسمعه وعجبه صوته وقرر إنه يخليه يغني في فرقة “الفور ام”.. ومن هنا ابتدى المطرب محمد فؤاد في طريق الشهرة ويمكن القصة ديه شبيهة بقصة كفاحه في فيلم “إسماعيلية رايح جاي”…
كاظم الساهر
أما الفنان كاظم الساهر.. والده كان عسكري وبيشتغل في القصر الملكي وعيلته كانت عايشة في بيت فقير جدًا وهو واخواته كانوا بيناموا على الأرض.. لأن مكنش فيه أي أوضة عندهم وأوقات كتير كانوا بيناموا من غير عشا..
وعشان كدة اعتمد كاظم على نفسه من هو طفل.. واشتغل كتير عشان يقدر أنه يكوّن نفسه ماديًا ويقدر يساعد في مصاريف البيت.. فكان يبيع أي حاجة سواء آيس كريم.. فلافل، وحاجات تانيه كتير..
والنقلة الفنية في حياة كاظم الساهر.. كانت لما غنى تتر مسلسل “شجاه الناس” اللي من خلاله ابتدى يتعرف وصوته يتسمع في الساحة الفنية.. وبقى القيصر كاظم الساهر..