بقا شبه بيج رامي.. الفيلر والبوتوكس بوظوا شكل تامر حسني.. والمتابعين: كفاية عمليات تجميل

حالق شعره كله.. وعامل فورمة الساحل.. وواخد تان ومغير لون جسمه.. وعامل إزالة لـ شعر جسمه بالكامل.. والفيلر والبوتوكس والنحت بوظوا ملامحه وشكل وشه.

كتير من الفنانين والفنانات لجأوا لـ الفيلر والبوتوكس خلال الفترة الأخيرة لتحسين شكلهم.. ومنهم نجم الجيل “تامر حسني”.. واللي من وقت شهرته وهو بيحاول تحسين شكله وملامحه باستمرار.. لكن محدش من المتابعين والجمهور كان يتوقع إن “نجم الجيل” يقرر يغير ملامحه كلها بالطريقة ده.. فيا ترى ايه حكاية صورته الجديدة .. وهل فعلا عمليات التجميل غيرت شكله ؟ ..

بقا شبه بيج رامي وشكله غريب

الموضوع بدأ بصورة جديدة نشرها “تامر” من الساحل الشمالي.. وبيعلن فيها عن استعداده لطرحه أغنية جديدة عاملها مفاجاة للجمهور بمناسبة الصيف.. وبيصورها في الساحل الشمالي.. وعلق على الصورة وقال: “يا صباح الفل ع الكل، بصورلكم حاجة جديدة جدا دلوقتي، بس مش جامدين جامدين”.. لكن المتابعين استغربوا الشكل اللي ظهر بيه “تامر” في الصورة.. فظهر “تامر” وهو حالق شعره بالكامل.. وعامل تان في الساحل ومغير لون جسمه.. وكمان عامل فورمة وعضلات في الجيم زي “فورمة الساحل”.. لدرجة إن ظهر في الصورة وجسمه ضخم جدًا.. دا غير إنه حالق شعر جسمه بالكامل ..

 تعليقات ساخرة من الجمهور

وطبعًا مع ظهور “نجم الجيل” بالنيولوك الجديد.. اتصدم المتابعين من شكله.. وكأن “تامر حسني” بقا شكله جديد عليهم وغريب.. وفجأة بصت الصورة تريند على السوشيال ميديا كلها.. واتفاعلوا معاه بتعليقاتهم على الصورة.. وقالوا في تعليقاتهم:
“أنت بقيت شبه عادل شكل أكتر منه”.. “كفاية عمليات تجميل يا تامر شكلك بقا غريب جدًا”.. “شكل وشك من فوق شبه شارموفيز ومن تحت شكل تامر حسني”.. “الفيلر والبوتوكس بوظوا شكل وشك،، يا ريت كفاية عمليات تجميل،، شكل الأول كان أحلى من كدا”..

واستمرت التعليقات الساخرة من النيولوك اللي عامله “نجم الجيل”.. ومنتقدين اعتماده على عمليات التجميل بشكل كبير خلال الفترة الأخيرة خاصة إن ده مش أول مرة.. يظهر عليه تغيير كبير بسبب عمليات التجميل ..

بداية ظهور نجم الجيل

فـ تامر حسني ومن بداية ظهوره على الساحة الفنية.. كان ظاهر بشكله الطبيعي.. وكانت حواجبه معقودة وشعره كثيف.. ووشه وملامحه عادية من غير نحت ولا فيلر ولا بوتوكوس.. ومع مرور الوقت ودخول “تامر” في الثلاثينات.. بدأ شعره يخف أكتر.. ويظهر في افلامه وشعره خفيف جدًا وبدأ يقع.. وعشان كدا اعتمد “تامر” على زراعة الشعر عشان يقدر يستعيد كثافة شعره.. وظهر بوضوح بعد ظهوره بجبهة مليانة بالشعر بعد ما كان الخط الأمامي من جبهته مكشوف تمامًا ومن غير وجود أي شعر..

نحت الوش والفيلر والبوتوكس

لكن “نجم الجيل” مكتفاش بعملية زراعة الشعر.. وحب يهتم بشكله أكتر.. فلاحظ الجمهور إن في بداية ظهوره وقبل العمليات .. كان عنده أذن كبيرة وطواطية.. لكن بعد كدا اختفى الشكل دا تمامًا بعد ما عمل عملية تخييط غضروف الأذن بالرأس.. وكمان قص جزء من الغضروف عشان الودان تظهر بشكل طبيعي… وممكن يتم اجراء العملية ده أكتر من مرة,, وظهر دا بوضوح في ملامحه بعد كدا.. كمان عمل بوتوكس ونحت عشان يحدد شكله دقنه,, وحقن فيلر في منطقة الدقن والفك.. وظهرله كمان “طابع الحسن”.. وبدأ “تامر” يظهر كل فترة بلوك مختلف تمامًا.. وهو عامل عملية جديدة.. وآخرهم صورته في الساحل..

وطبعًا دا اللي عرضه لانتقادات من الجمهور .. بسبب اعتماده على عمليات التجميل بشكل مبالغ فيه.. فيا ترى “تامر” هيرد على انتقادات الجمهور ليه بعد ظهوره الأخير ؟ ..