إنتاجه اتكلف 250 مليون جنيه.. ويشارك فيه فنانين عالميين.. منهم بطل فيلم سوبر مان.. واتصور بأحدث الكاميرات وبإمكانيات عالية.. وهيتعرض في دول أوروبية زي أمريكا وبريطانيا وهيوصل للعالمية.. وهيعملوا منه جزء رابع والبطل فيه هيكون كريم عبدالعزيز ..
نجاح كبير حققته سلسلة أجزاء فيلم “ولاد رزق”.. فبعد عرض الجزئين الأول والثاني منه حقق نجاح كبير في شباك التذاكر وبين الجمهور.. وبقا ليه شعبية كبيرة جدًا خلتيه في صدارة الأفلام اللي الجمهور متحمس يشوف منها أجزاء جديدة.. ودا اللي خلى الجمهور عنده حماس كبير إنه يشوف الجزء الثالث من الفيلم .. واللي هيكون في صدارة الأفلام اللي هتتعرض في العيد.. ومتوقع لها نجاح كبير.. فيا ترى ايه تفاصيل الجزء الثالث من الفيلم.. وهل فعلا بيعملوا منه جزء رابع ؟ ..
عودة أسود الأرض في الرياض
البداية كانت مع عودة أسود الأرض في جزء جديد من “ولاد رزق”.. واللي هيكون باسم “القاضية”.. وسيبدأ عرضه في السينمات يوم 12 في الشهر.. ويشارك فيها نفس أبطال الأجزاء اللي فاتت.. زي الفنان أحمد عز وعمرو يوسف وكريم قاسم وسيد رجب ومحمد لطفي .. مع وجود نجوم جديدة هينضموا ليهم.. زي الفنان أسر ياسين اللي هيلعب دور “الشايب”.. أما الفنان أحمد الفيشاوي وأحمد داوود فانسحبوا من الجزء الثالث.. وهيكون بدالهم نجوم جداد.. مش بس كدا.. كمان الجزء دا هيتصور مشاهد كتير منه في الرياض.. وهيقوم على خروج “المعلم صقر” من السجن.. واتحاده مع الشربيني اللي لعب دور الفنان محمد لطفي عشان ينتقموا من ولاد رزق.. أما ولاد رزق فهيعملوا عملية جديدة في الرياض.. وهينضم ليهم آسر ياسين في دور “الشايب”.. دا غير مشاركة نجوم عاليميين ومهمين .. زي بطل فيلم سوبر مان الفنان العالمي هينري كافيل.. واللي رغم إنه مظهرش في تريلر الفيلم.. لكنه ظهر في قايمة النجوم المشاركين في الفيلم.. ومتوقع إنه هيكون ضيف شرف.. زي الفنان كريم عبدالعزيز.. واللي هيكون هو كمان ضيف شرف في الجزء الجديد من الفيلم..
وصول الفيلم للعالمية
ومتوقع أن الفيلم هيحقق أعلى الإيرادات في شباك التذاكر.. خاصة إن كل الجمهور مستنيه.. مش بس كدا.. دا كمان الفيلم هيتعرض في دول أوروبية زي بريطانيا وأمريكا ونيوزيلندا.. دا غير تكلفته الإنتاجية العالية واللي هتوصل لـ 250 مليون جنيه.. وتصويره بكاميرات محترفة.. عشان يكون بمواصفات عالمية ويطلع أفضل من الجزئين الأول والتاني.. ودا اللي خلى الإعلامي عمرو أديب يحمس المشاهدين إنهم يتفرجوا على الفيلم.. وعلق على صدور التريلر الخاص بالفيلم.. وقال: “أخيرا فيلم ولاد رزق في دور العرض انتوا مع إمكانية عالية وأساتذة تمثيل، وكتابة عظيمة، ونجوم لها وزنها،، أحنا ديما مبهورين بالأفلام الأمريكية هنشوفها في ولاد رزق بشكل مختلف مصري أصيل، دايما بنقول عن الإنتاج المشترك لكن الإنتاج المره دي فن وبس،، والفيلم ده هيحقق أعلى إيرادات وافتكروا كلامي، لما تتفرج هتحس بكل تفاصيله في كل مشهد، سوف تشاهد فيلم عالمي، بكل متعة واثارة، مع أبطال السينما المصرية العظماء”..
جزء رابع بطولة كريم عبدالعزيز
وبعد تعليق عمرو أديب.. أتفاعل المستشار تركي آل الشيخ رئيس الهيئة العامة للترفيه.. والمشارك في إنتاج الفيلم.. على اللي قاله “أديب” في البرنامج وقال: علمت الآن أن أغلب تذاكر الويك أند الأول لفيلم ولاد رزق قد نفذت تمامًا قبل أيام من عرض الفيلم.. يا خوفي لا تدفع كتير يا عمرو أديب”,,
مش بس كدا.. كمان تركي آل الشيخ لمح إنه هيتم إنتاج جزء رابع من الفيلم.. وهيكون فيه النجم كريم عبدالعزيز وقال: “يا ليت القائمين على فيلم ولاد رزق ألا يتأخروا علينا بالجزء الرابع،، ونحن مستعدون لدعمه بشكل أكبر … الكورة في ملعب المخرج الكبير طارق العريان وصلاح الجهيني،، والفنان الكبير أحمد عز ونجوم الفيلم … أنا أتمنى رؤية النجم الكبير كريم عبد العزيز في دور كبير في الفيلم … من جانبنا نحن جاهزون،، ولكن هل أنتم جاهزون يا فريق الفيلم؟ أتمنى أشوفه أخر 2025”..
فيا ترى الجزء الثالث هيوصل فعلا للعالمية ولا نجاح الفيلم هيقف عند الجزء الثالث ومش بيعملوا منه جزء جديد ؟
