التيك توكر مداهم يحلق شعره بالكامل في اللايف لدعم بنت اردنية

حلق شعره علشانها وخلاها عيطت.. بعتلها كتيبتوا وكسبها الجولة.. رفضت تحكم عليها.. بس هو فاجأها.. التيك توكر مداهم.. تعاطف مع بنت اردنية مريضة سرطان وحلق شعره زيرو.. 

تيك توكر شهير

احيانا التيك توك بتطلع منه رسايل حلوة ومش كلها حاجات بيرفضها المجتمع ومجرد عيال تافهة قاعدين يغنوا ويرقصوا وبس.. وفي ناس ممكن تحول التكبيس من شحاته الكترونية لرسالة جميلة ممكن تبسط حد او تخلي حد تاني يتشجع يعمل زيه.. زي ما عمل مداهم كد في الجولة الل دخلها مع بنت اردنية.. 

مداهم تيك توكر مصري.. معروف بكتيبة 777.. بيدخل يوميا على تيك توك جولات وتحديات مع ناس من كل حته فيها التافهه وفيها العادي.. وفيها برضو اللى الناس بترفضه.. معروف عنه انه مبيخسرش قدام حد.. بس كانت مفاجأة للناس مش متوقعة الل عملوا مع ميس.. 

مريضة سرطان

ميس بنت اردنية مريضة سرطان.. المرض خلاها تفقد شعرها كله تماما.. بتدخل على تيك توك جولات بتتسلى وبتعمل فيديوهات على الترندات.. واتعلمت شوية علم نفس وتعلموا للناس.. من خلال تجربتها الصعبة اللى مرت بيها.. ودخلت مع مداهم جولة على تيك توك.. 

في البداية كانوا بيتكلموا عادي وبدأوا يتعرفوا على بعض.. وكان مداهم بيكلمها بالاردني.. وبدأ يسألها عن حياتها والل مرت بيه وهي حكتله.. الناس بدأت تدعمها في الجولة الل بينهم وراحلها ناس كتير من عنده.. 

وفي وسط الكلام بيقولها ايه اللي اتعلمتوا من علم نفس.. قالتله انه ساعدها كتير في انها تقدر تتقبل نفسها.. بشكلها جديد.. والتحديات اللي بتمر بيها مع المرض.. فقرر مداهم من غير ما يقولها انه يعمل حاجه تأثر فيها وفي الناس.. وهما بيتكلموا بدأ يجيب ماكينة حلاقة ويركبها برا الكاميرا..

حكم على نفسه

وبعد كد قالها انها تحكم عليه بما انها كسبت.. بس هي رفضت وقالت انها بتلعب عادي ومش بتحب تحكم على حد.. ف قالها انا هحكم على نفسي.. وطلع مكنه وقعد يحلق شعره حاولت تمنعه بس هو كان خلاص اخد قراره..

اللحظة دي كانت مؤثرة جدا بالنسبة لميس.. الل مصدقتش انه بيعمل كده علشان يدعهما وانه شايف ان دي حاجه عادي.. وهي شايفه الموضوع صعب وكبير جدا ومؤذي لانها مجرباه.. ومقدرتش ميس تمسك دموعها وقعدت تعيط.. ومداهم كمان اتأثر جدا على غير عادته الل يعرفه عنه متابعينه.. 

وبعد ما حلق شعره وخلص سألته ميس ليه عمل كده.. قالها هو مش عارف ليه عمل كده.. بس حس انه عاوز يقولها بطريقه عمليه.. ان الشعر ده مالوش لازمه.. وعادي يعني لما يكون مش موجود.. وان كل الل شاله ده شوية وهيبقي في الزبالة فهو مش حاجه غالية اوي.. غير انه شايف انها ممكن تكون رسالة يقدر يدعم بيها ميس او غيرها.. وان اهم حاجة للإنسان أن يتقبل نفسه ويحس فعلا ان مبسوط بنفسه في اي وقت واي شكل..