وقوع من الأسانسير بعد ما الكهربا قطعت.. وموت في حادثة بعد ما العربية غرقت في البحر.. ومطاردة بالعربية وموت في حادث مجهول.. نهايات مآساوية مفاجئة لـ نجوم ومشاهير !
حوادث كتير ونهايات مأساوية حصلت لـ كتير من الفنانين والفنانات.. فجأة وبدون سابق انذار حصلت لهم حوادث عنيفة نهت حياتهم.. وسابت تساؤلات وعلامات استفهام كثيرة.. فيا ترى مين هما الفنانين اللي حصلت لهم الحوادث ده ؟ ..
عازف الساكسفون مات في حادثة مأساوية
البداية كانت مع وفاة محمد علي نصر أشهر عازف ساكسفون في اسكندرية.. واللي توفى في حادث مأساوي جدًا.. بسبب تعطل الاسانسير فجأة نتيجة تخفيف الأحمال وقطع الكهرباء.. وقتها “محمد” كان مع ام وولادها جوة الاسانسير.. ولما الكهربا قطعت وقف الأسانسير بين الثامن والتاسع.. وبدأ عازف الساكسفون يساعدهم في إنهم يخرجوا.. وبعد ما خرج الطفلان.. وحاول يخرج عشان يساعد أمهم تطلع.. رجله فلتت ووقع مات في وقتها.. في نهاية مأساوية بعد شهامته مع الأم وأطفالها..
وفاة أشرف عبدالغفور في حادثة
أما الفنان أشرف عبدالغفور.. يتوفى بعد حادثة عربية كبيرة.. حصلت على طريق اسكندرية الصحراوي.. فتعرضت عربيته حادثة مأساوية بسبب تهور سواق العربية اللي خبط فيه.. وتهشمت العربية بالكامل.. واتوفى أشرف عبدالغفور في لحظتها في حادثة مأساوية على الطريق..
وفاة عمر خورشيد في حادثة غامضة
كمان الفنان عمر خورشيد كان من الفنانين الذين توفوا في حادثة.. لكن الحادثة التي توفي فيها كانت غامضة جدًا.. ففي مايو 1981.. وأثناء ما كان سايق عربيته على الطريق.. لاحظ إن في عربية تطارده.. وفضلت تخبط فيه.. لحد ما خبط حاجز على الطريق.. وطار جسده كله برة العربية .. واتوفى في حادثة مأساوية لحد دلوقتي متمش إثبات إذا كانت قضاء وقدر.. ولا حادثة مدبرة بفعل فاعل..
غرق عربية أسمهان
كمان الفنانة أسمهان هى كمان وقعت ضحية لـ حادث غامض حصلها,, واتوقع البعض إنه كان بفعل فاعل.. ففي سنة 1944.. كانت اسمهان راكبة عربيتها والسواق معاها ورايحة المنتجع بتاعتها في راس البر عشان تقضي إجازاتها.. وهي في الطريق وقعت عربيتها في الترعة.. وتوفيت وقتها أسمهان.. وكتير قالوا إن الحادثة كانت مدبرة وإن السواق كان قاصد عشان أسماء تموت.. لكن لحد دلوقتي لغز وفاتها متحلش..
وفاة مخلص البحيري في حادثة
كمان الفنان مخلص البحيري والمعروف باسم “سيد كشري” في مسلسل “لن أعيش في جلباب أبي”.. هو كمان اتوفى في حادثة مأساوية في 2001.. بعربيته اتقبلت على طريق الملاحات بين اسكندرية القاهرة الصحراوي.. والحادثة تسبب في وفاته هو وزوجته وابنه.. ومنجيش من الحادثة غير بنته ,,
وفاة كاميليا في تحطم طائرة
أما الفنانة كاميليا.. فهى كمان اتوفت في حادثة غامضة مدبرة.. فكانت واحدة من أجمل الفنانات.. وترددت على الحفلات والمناسبات الطبقات الراقية.. لدرجة إنها وصلت للملك فاروق.. وقالوا إنه كان فيه علاقة غرامية بينها وبينه استمرت لمدة 4 سنين.. لحد ما اتوفت فجأة في حادثة تحطم طائرة سنة 1950.. ووقتها قالوا إن ولاد العم هما اللي ورا الحكاية ده.. وفي منهم اللي قال إن الملك فاروق هو اللي عمل كدا.. لأنها كانت هتتجوز رشدي أباظة.. ولحد دلوقتي محدش عارف الحقيقة.. بس الأكيد إن كاميليا راحت في حادثة مأساوية هى كمان وهى لسة في عز شبابها..
كمان غيرهم كتير من الفنانين اللي وفاتهم كانت مأساوية وعليها علامات استفهام.. فيا ترى مين الفنان اللي أنت عاصرت الحادثة بتاعته وكانت صدمة ليك ؟
