ماكنتش قادرة تمشي على رجليها.. والدكتور قالها انتي مشيلة رجلت وزن ست عندها 80 سنة.. وعملت عملية تكميم وخست 50 كيلو.. وبقت عود فرنساوي.. وبهرت المتابعين بطلتها..
فاجأت الفنانة شيماء سيف الجمهور بخسارتها جزء كبير من وزنها.. فبعد ما كانت “شيماء” رافضة إنها تخس أو تعمل عملية التكميم.. قررت فجأة إنها تخسر جزء كبير من وزنها.. بعد ما حالتها الصحية تدهورت.. فيا ترى ايه اللي حصل لـ شيماء سيف.. وليه خدت قرار عملية التكميم ؟ ..
تدهور حالة شيماء سيف الصحية
شيماء سيف من الفنانات اللي كانوا بيعانوا من زيادة كبيرة جدًا في الوزن.. وكانت بتستغل دا في إنها تخلق مواقف كوميدية في الأفلام والمسلسلات اللي بتشارك فيها.. ودايمًا كانت بتأكد إنها مش عايزة تخس.. وإنها راضية عن شكلها ووزنها جدًأ.. خاصة إنها بتحب الأكل.. لكن فجأة شيماء سيف قررت تغير رأيها وتعمل عملية تكميم وتخسر جزء كبير من وزنها.. بسبب تدهور حالتها الصحية ..
https://www.facebook.com/share/v/HrxuGPpZfeGQjXzq/?mibextid=oFDknk
خست 50 كيلو بعد عملية التكميم
فحكت شيماء سيف عن الأزمة الصحية اللي مرت بيها.. بسبب زيادة وزنها,, وبتشجيع الفنانة مي كساب قررت إنها تعمل عملية تكميم.. وقالت شيماء سيف عن قرارها: ” أنا صاحبة مقولة ليه أعمل رجيم وأنا قدامي شوكولاتة ولامكرونة بشاميل، بس لو نفتكر، أنا بردو اللي كنت بطلع أقول أنا الحمدلله صحتي كويسة، لو حصل لصحتي حاجة، إلا صحتي، وحصل، والسنة اللي فاتت رجلي بدون سابق إنذار وركبتي مش قادرة أتنيها.
مش عارفة اعمل ايه، بطلع سلمة كدة،، بصرخ وبحس بوجع فظيع،، وكلمت دكتور وقلت له مش عارفة في إيه وكنت بصور، وقال لي لازم تعملي أشعة، وعملت الأشعة وبعتها له، قال لي لازم نعمل تغيير مفصل حالًا، وهنا حسيت أني واحدة تانية، وأنا أكره دخول المستشفيات، وانهرت وجالي اكتئاب، ورحت التصوير وحاولت أخبي لكن الفنانة يسرا قالت لي أنتي فيكي حاجة”..
“وقفت التصوير وحكيت لها، وقالت لي نروح لدكتور تاني، وطمني وقال لي مش محتاجة عملية ولكن إنت شيلتي ركبتك لواحدة عندها حاجة و30 سنة حِمل واحدة كإنها مشيت 80 سنة، ومي كساب كانت بتزن عليا، هي عملتها واللي عملها بعد ما بيخس ويحس إنه خفيف، وبيحب حد بيقول له عشان يحس الإحساس دا، وكانت بتطمني، وقد كانت، شكت دبوس،، وفعلا العملية حاجة بتساعدك، أول شهر انت مابتكلش، وبعدها انت بتتعود إنك مابتاكلش، بس لما بتشوف الأكل بتحس إنك عايزه، بس أنا دلوقتي بجد لما تعبت ولقيت نفسي كدة، بقيت بقرف لما أشوف حد بياكل،، أول ما عملت العملية بتنزلي 20 كيلو، وبعدها بقى 6 كيلو وحاجات كدة، واحساس انك تنزلي من 3 أرقام على الميزان لرقيم، نزلت 50 كيلو لحد دلوقتي” ,,
عود فرنساوى في فرح ريم سامي
وفعلا ً بدأت شيماء سيف في الريجيم بعد عملية التكميم وخسرت جزء كبير من وزنها.. وظهرت في كامل أناقتها بفستان بينك في فرح ريم سامي.. وكان باين إنها فقدت جزء كبير من وزنها.. وإنها مبسوطة وبتتصرف بعفوية وسعادة أكتر.. وواثقة من نفسها جدًا.. وكانت بترقص طول الفرح ومبسوطة.. فـ “شيماء” أخيرًا قررت تخس خاصة بعد ما حست إن حالتها الصحية بتتعرض للخطر..
ايه رأيك في إطلالة شيماء سيف بعد عملية التكميم.. ويا ترى أدوارها هتقل في الأعمال الفنية بعد ما خست .. ولا مشاركتها الفنية مش هتتأثر ؟
