مكانش بخيل.. ودخلها احسن المدارس اللغات.. ماتش مستور مش مفلس.. وما اتدفنش في مدافن الصدقة.. مات وسط اهله مش لوحده.. حقائق عن الأيام الأخيرة في حياة اسماعيل ياسين كشفتها ابنته بالتبني ميرفت إسماعيل..
في أول حلقات برنامج نبتدي منين الحكاية.. وهو برنامج إذاعي.. تواصل المؤرخ الفني محمد شوقي مع ميرڤت اسماعيل.. بنت الراحل اسماعيل ياسين بالتبني وهي ام الشاعر أيمن بهجت قمر.. في اول ظهور ليها في وسائل الإعلام..
وخلال اللقاء ده كشفت مجموعة من الأكاذيب التي أتعرض لها إسماعيل ياسين بعد وفاته.. خاصة عن الأيام الأخيرة في حياة أبو ضحكة جنان..
واهمها ان اسماعيل ياسين مات وحيد بعيد عن بيته.. وقالت إنه توفي في بيته المكون من 8 اوض كبيرة وسط أهله وناسه.. ومات مستور مش مفلس زي ما بيقولوا.. غير أنه سافر لبنان بعد هزيمة يونيو 67.. وكون ثروة كبيرة جدا ورجع من لبنان للقاهرة بعربيته المرسيدس احدث موديل..
https://www.facebook.com/share/v/ZSAGcYKzpTJboukY/?mibextid=oFDknk
وقالت انه كان يعاملها احسن معامله وكأنها ابنته الحقيقية.. وهي بنت اخت زوجته.. وهو اتكفل بها من بعد وفاة والدها ووالدتها.. ودخلها ارقى مدارس.. وحاول كتير انه يتبناها رسمي لكنه عرف أنه حرام في وقف الاجراءات.. وهي اسمها ايمان أنور.. واختار لها اسم ميرفت.. و تبناها وعمرها كان سنتين.. وقالت إنه كان متكفل بأسر كتير فقيرة.. كانت بتشتغل معاه في فرقته قبل ما تتحصل في الستينات..
وقالت ان جنازته كانت شعبية مهيبة مشي ورا عشرات الآلاف.. من محبيه وزمايله وعشاق فنه.. وكانت في تصريحات سابقة اتكلمت عن تبني اسماعيل ياسين ليها.. اسرار كتير من حياته..
وقالت ميرڤت.. اسمي الحقيقي هو إيمان أنور.. وبابا إسماعيل هو زوج خالتي.. وبقول بابا إسماعيل لأن الأب هو من ربى وليس من أنجب وترك.. و الراجل ده أبي الروحي وهو الأب الذي عرفته في حياتي.. من وقت ما كان عندي سنتين..
وكملت وقالت انه كان خلف ابنه ياسين قبل ما يتبناها وكان اكبر منها بـ 7 سنين.. وطلب من خالتها ان يربيها مع ابنه.. وانها تكون بنتهم..
وحاول سمعه ان التبني يكون رسمي لكن بسبب الحرمانية أتراجع وتكفل بها بدون ورق.. وكان يتكفل بكل حاجه تخصها.. وكان بيروح مدرستها يسألوه ازاي انت ابوها واسمها ايمان انور.. وكان بيقول انه اسمه الحقيقي في البطاقة انور علشان ميجرحهاش..
وغير اسمها لميرڤت.. وكانت الجرائد دايما تكتب اولاد اسماعيل ياسين.. ياسين وميرڤت.. وكان بيحبها جدا.. وبتحكي وبتقول انه زملكاوي متعصب ولما كان بيروح مصيف في اسكندرية ويبقى في ماتش للزمالك.. كان بياخد طائرة خاصة يروح يحضر الماتش وبعدين يرجع اسكندرية تاني..
وكانت حكت حفيدته لحظات وفاته.. وقالت أنه كان مستاء جدا بسبب تجاهل المنتجين ليه.. وتعب نفسيا وعاش حالة من الاكتئاب الشديد.. لدرجة أنه رجع للغناء في التياتروهات والملاهي الليلية.. فكان يحس بحزن شديد بسبب الحال للى وصله بعد ما كان نجم شباك.. وكمان وفاة اصدقاء عمره فطين عبد الوهاب وأبو السعود الإبياري.. واللى من بعدهم مبقاش عنده اصحاب.. يوم الوفاة كان جي من اسكندرية بعد 10 ايام عزله هناك.. وكان ياسين ابنه بيذاكر.. وفجأة ندهتله ميرفت وقالت له الحق ابوك مش قادر يتنفس..
وقتها كانوا في شقة اسماعيل ياسين الل في الزمالك.. وقبل ما توصل الاسعاف كان اتوفى اسماعيل ياسين.. بالسكتة القلبية.. واكدت ان كل اللي بيتقال عن بخله وموته وحيد مفلس وانه قعد في بيته ميت يومين كذب مالوش اساس من الصحة.
