مقطع فيديو انتشر خلال الساعات الأخيرة لـ “ماهيتاب”.. بنت الفنان ماجد المصري من زوجته السابقة “منى إش إش”.. واللي بتنفعل فيه على المعازيم في فرحها .. وتطلب منهم انهم يسيبوا الفرح ويمشي.. وظهرت في الفيديو “ماهيتاب” وهى في حالة انفعال واضحة وماسكة المايك وبتكلم المعازيم وبتقولهم: “
من فضلكوا المصورين بس اللي يفضلوا هنا،، كل الناس اللي ملهاش لازمة ومش معزومين،، يتفضلوا من على الاستيدج”..
وطبعًا الفيديو عمل جدل كبير.. وعلى الرغم من إنه حصل من فترة.. لكن الجمهور والمتابعين انتقدوا تصرف “ماهيتاب”.. واعتبروها قلة ذوق منها إنها تتعامل مع المعازيم بالطريقة ده.. لكن بالرجوع لفرح ماهيتاب.. فوالدتها “منى إش إش” ردت على الانتقادات اللي اتعرضت ليها بنتها ودافعت عنها.. وأكدت إن الفرح كان زحمة جدًا وقتها.. وفي ناس كتير مكانوش معزومين ولا تبعهم جم الفرح.. وحصل تدافع ودا اللي خلاهم يطلبوا من المعازيم يرجعوا لورا..
https://www.facebook.com/share/v/9BzFFx6sM8MVx4no/?mibextid=oFDknk
وقالت “إش إش”: “شوفت ناس كتير مش تبعنا، وقولتلهم يا جماعة وسعوا المكان،، و ارجعوا ورا ومطردتش حد،، وزوج بنتي قالهم بردو الكلام ده،، قالهم ارجعوا لورا، وبعدين البنت انفعلت بس مقالتش اطلعوا برا”..
قولنا ايه رأيك في تصرف “ماهيتاب” بنت ماجد المصري مع المعازيم.. ولو مكانها كنتِ هتتصرفِ ازاي ؟
