محمد سليمان يرد على منتقدى تريند “ده هاني “” ولا عندكم دين ولا ملة وصدوركم مليئة بالحقد “

علق الفنان محمد سليمان،  على انتقادات مشهد “ده هاني”، من مسلسل هذا المساء الذي جعله يتصدر التريند أكثر من مرة.

ونشر محمد سليمان من خلال حسابه الشخصي بموقع التواصل الإجتماعي “فيسبوك “مقطع فيديو لمشهد من مسلسل هذا المساء.

وكتب على الفيديو قائلًا: “لكل الأصدقاء.. تريند ده هاني لا علاقة له بالمسلسل برجاء مشاهدة مسلسل هذا المساء أو المشهد الأصلي مش المشهد اللي واحد ركبه غلط ونزله على السوشيال ميديا بالشكل اللي شوفتوه علشان يعمل تريند ويعمل فلوس فدي مش مشكلتي ولكن مشكلة السوشيال زفت والتريند والتيك توك والبلاوي الزرقا اللي إحنا بنشوفها اليومين دول”.

وتابع محمد سليمان: “أما الناس اللي بتستظرف وفاكرين أن دمهم خفيف فأنا معنديش مشكلة معاهم.. أما الناس اللي بتقول إني بقدم فن مبتذل ومشاهد شمال بقولهم اتقوا الله في كلامكم وشوفوا المشهد الأصلي واحكموا بعد كده وميبقاش الفيسبوك بس هو مصدر علامكم الوحيد يا رعاع يا جهلة” .

وأضاف : “ولا عندكم دين ولا ملة وصدوركم مليئة بالحقد والسواد ولو ربنا كان أعطاكم شهرة أو مكانة متميزة في المجتمع كنتم خربتوا الدنيا أكتر من أي حد لأنكم حاسين بنقص وبعدكم عن الدين الحقيقي مخليكم في الضياع والجهل المتكامل.. اتقوا الله يرحمكم ويغفرلكم”.

واختتم محمد سليمان: “ومش كل الفنانين زي بعض وربنا يعلم أنا قد إيه بشتغل واتعب على أدواري عشان توصل لكم وتدخل بيوتكم بشكل محترم ولا يؤذي حرمة بيوتكم التدين والدين مش حكر على حد ولا على فئة معينة”.

وفي سياق آخر،  آخر عمل فني للفنان محمد سليمان هو مسلسل “الحشاشين” الذي عرض في موسم رمضان 2024، حيث أدى فيه دورًا وصفه بأنه “نجمة على صدر مصر”