رحمة حسن تعلن إصابتها بالصلع: عيادة السبب أنا قلبي مكسور
كتبت: أميمة أحمد
كشفت الفنانة رحمة حسن عن حزنها الشديد وإصابتها بالصلع.
وشاركت رحمة جمهورها عبر حسابها الرسمي بـ إنستجرام أزمتها مع شعرها حيث نشرت صورة توضح فيها المأساة وعلقت عليها قائلة:” شعري ابتدا يقع من الجذور و يقع أكتر بعد ما رحت عيادة ZO في الزمالك والمفروض أنه أفضل حاجة موجودة”
وتابعت:” كشفت و عملت التحليل المطلوبة كلها، كان شعري عادي خفيف تعبان لكن مش بيقع كام شعرة عادي ! بعد ما رحت وعملت التحليل الدكتورة قالتلي كلها تمام ممكن بس الحديد نازل شوية ! ممكن ناخد حديد، وهنعمل بلازم من دمك يعني حاجة كويسة وأمان ميه في الميه! أوكي”.
وأضافت:” المهم روحت وسألتني الدكتورة قبل البلازما بعد سحب الدم ! أخبار الضغط بتاعك ايه ! قولت مش عارفة ! قالتلي طيب المهم عملت الازمة وميزوتيرابي!!!! مش بلازمة بس !! الكارثة أنها حطتلي حقنة مينوكسيديل مع الحقنة و عملتها بالميزوتيرابي! و طبعا انا معرفتش غير لما روحت البيت لان كان ضربات قلبي غريبة و حسا اني تعبانة و دماغي تقيلة”
وأوضحت:” بشوف الفاتورة لقيته انها حطتلي مينوكسيديل بدون ما ترجعلي الاول و انا كنت بس مفروض اعمل بلازمة فقط من دمي، بس من ساعتها شعري بيقع كل يوم و مافيش بيبي هير بيطلع اصلا و لو طلع يقع تاني علي طول”.
وأشارت:” لو اعرف من الاول مكنتش روحت ابدا، لأنهم حطولي حاجة اول مرة استعملها بدون مايرجعولي الاول، وفي حاجة مهمة زي دي كان عندي ثقة قبل ما أروح لكن طبعا بعد اللي حصل مروحتش تاني أبدا و شعري فضل يقع من ساعتها، أكتر و أكتر و كل الناس عارفة انك لو استعملت المينوكسيديل مينفعش يتوقف”.
واختتمت:” هما عملو الكارثة دي بدون ما يقولولي الاول حتى ومن ساعتها و انا شعري و نفسيتي في الأرض”.
ومن جانب آخر يذكر أن رحمة ابتعدت عن التمثيل منذ ثلاثة أعوام حيث كانت آخر أعمالها مشاركتها في مسلسل “إيجار قديم” من بطولة شريف منير والذي عرض في 2022 وحققت نجاحا لافتا من خلاله.
