أول حرف من اسمه حسين.. رجل أعمال ومالوش علاقة بالوسط الفني.. متدين ومبيحبش الأضواء.. واقف جنبها من وقت وفاة ابوها وامها.. وقريب هتلبس الفستان الابيض.. دينا الشربيني تكشف لأول مرة هوية حبيبها الجديد..
الإشعاعات
لأول مرة دينا الشربيني تقرر انها تكشف هوية حبيبها الجديد.. وده بعد شائعات كتير واسماء كتير اترددت في الفترة الاخيرة ابرزها كان الإعلامي الإماراتي أنس بوخش.. الل انتشرت شائعات ارتباطهم بشكل واسع جدا.. في الوطن العربي خاصة بعد ظهوره معها في العرض الخاص لفيلم شقو..
وأوضحت دينا ازاي تتعامل مع الشائعات الكثيرة عن ارتباطها دي وقالت.. ان عمرها ما بتطلع ترد على اشاعات الارتباط وكل حد يقول وهيقول وحاجات تلاقيها مكتوبة معملتهاش وفي كل مرة مش بتحب ترد.. و كده كده بتسمع الاشاعة لما تكون حصلت وخلصت..
وقالت ان عندها فريق يتولى مهمة الصفحات على السوشيال ميديا ومتعرفش حتى الباسورد الخاص بيهم.. وبتحب بس تشوف انستجرام وتيك توك..
https://www.instagram.com/reel/C6cFur_LZjG/?igsh=MW1zdW04Mnl0NWNmNQ==
حبيب دينا الشربيني
واتكلمت دينا الشربيني بشكل مفصل اكثر عن علاقتها بيه الل بقت اقوى بعد وفاة والديها.. وخلال ظهورها في برنامج كلمة اخيرة.. مع الفنانة لميس الحديدي.. قالت دينا.. مرتبطة بشخص مصري من خارج الوسط الفني وهو مصري..
وقالت.. أن أول حرف من اسمه حسين.. بيشتغل في شغل بره المجال الفني وكان في بينهم صداقة بيتقابلوا وسط أصدقائها.. لحد ما ارتبطوا..
وكملت دينا كلامها وقالت.. بيراعي ربنا وجدع وبيبقى عايز يعمل كل حاجة وداعم ومش بيحب يظهر في الصورة.. ومش بنظهر مع بعض وأبعد ما يكون عن الأضواء واحنا شبه بعض في حاجات كتير إلا الأضواء وهو متفهم شهرتي.. والارتباط بينا جه كده وبابا الله يرحمه حبه وهو عارف أهلي..
وبتقول دينا ان حسين عنده حته دينيه يمكن مش بتبان اوي بس هي جواه.. وفاكره اوي ان وقت وفاة اهلها كان واقف من بعيد عينه عليها علشان لو محتاجه حاجه.. ودي الحاجات اللي بتفرق معاها اوي..
ولد وبنت
وفي تصريحاتها عن قصة الحب الجديدة لـ et بالعربي كانت قالت انها مبسوطة في علاقتها الجديدة.. ومش بعيد الناس تشوفها قريب بالفستان الابيض.. وهي مش شايفه انها متأخرة في جوازها.. وكل حاجه بتيجى في ميعادها..
وقالت انها حريصه على ان علاقتها دي تكون بعيد عن الأضواء وتكون في سرية تامة.. وقالت انها بتعيش في قصة الحب دي من فترة وتتمنى انها تنتهي بالجواز.. ونفسها تخلف ولد وبنت تسميهم محمد وليلى على اسم والدها والدها اللي توفوا مؤخرا..
وبتعيش دينا الشربيني في الفترة الحالية انتعاشة فنية كبيرة.. قدرت في رمضان 2024.. بمسلسلها كامل العدد الجزء التاني.. تكون الأعلى نسبة مشاهدة.. وحقق الجزء التاني نجاح كبير جدا..
فيلم شقو
وفي العيد تعرض لها فيلم شقو.. وده اللي بسبب ظهور أنس معاها في العرض الخاص ليه خرجت الاشاعة.. واشاد النقاد بدور دينا في الفيلم بشكل كبير..
وفيلم “شقو” مستوحى من رواية “أمير اللصوص” لتشاك هوجان.. وبتدور أحداثه في إطار أكشن تشويقى.. وشوية رومانسية وكوميديا.. عن مجموعة من الأصدقاء خارجين عن القانون.. بيمارسوا أعمال إجرامية ومشبوهة بمساعدة عدد من الشخصيات التانية.. لكن تقودهم أعمالهم غير المشروعة لأزمات كبيرة..
