بعد وفاة أحمد عامر.. حمو بيكا: عارفين ربنا كويس و مش هبطل أغني
رد مؤدى المهرجانات حمو بيكا على مطالبته بالاعتزال والتوبة بعد وفاة المطرب الشعبي أحمد عامر.
وقال بيكا من خلال مقطع فيديو، عبر حسابه الشخصي بموقع فيسبوك وعلق: “توضيح مهم أولا: الله يرحم أخويا وحبيبي أحمد عامر ويسكنه فسيح جناته إحنا بنشوف الكلام اللي بيتكتب وناس كتير بتسأل: هو بيكا بيعتزل؟!” .
وأضاف :” احنا نعتزل ليه؟ ده لقمة عيشنا ومفيش أي حاجة تانية وناس كتير بتاكل عيش ورانا وفاتحين بيوت ومش بنعمل حاجة غلط أو حرام ولو بنعمل حاجة حرام ربنا اللي هيحاسبنا مش العبد احنا عارفين ربنا كويس وبنصلي وأنا تعبت وكافحت واشتغلت حاجات كتير عمرك ما هتتخيلها وعمري ما عملت حاجة حرام وكلنا أموات ورايحيين، واحنا ولا بنأذي حد ولا بنيجي على حد، وفيه ناس مؤذية بجد”.
واختتم : “الكلام ده مش مظبوط ومفيش أي نية للاعتزال لا دلوقتي ولا قريب حمو بيكا شغّال على حاجات جديدة قوية جدًا، وفي مفاجآت جاية قريب هتفرح كل جمهوره اللي دايمًا بيقف معاه وبيسنده”.
