زوجة شقيق أحمد الدجوي: ماذا بينك وبين الله عشان كل الناس دي تدعيلك وتعملك عمرات

نشرت مي كفافي زوجة شقيق أحمد الدجوي من خلال حسابها الشخصي بموقع التواصل الإجتماعي “فيسبوك ” صورة للراحل أحمد الدجوي وهو يرتدي ملابس الإحرام وكشفت عن كثير من الأشخاص الذي قامت بأهداء الراحل عمرة وكتبت : إن العين لتدمع والقلب ليحزن ولا نقول إلا ما يرضي الله وإنا لفراقك يا احمد لمحزونون ،ماذا بينك و بين الله يا أحمد يا حبيبنا يا كبير عيلتنا و قدوتنا عشان كل الناس دي تدعيلك و تعملك عمرات في الايام المفترجة من غير ما يعرفوك. 

وأضافت إمبارح جنازتك كانت مظاهرة في حبك لانك حقيقي تستاهل ده ،موتك كسر قلوبنا كلنا و حرق قلبي بجد، انت كنت قدوتي و معلمي! ما كنتش باخد أي قرار مهم في حياتي غير لما برجعلك، سبتلي شيلة ثقيلة أوي بس أهم شيلة في حياتي، سبتلي أمانة هحافظ عليها لآخر يوم في عمري و حتي ألقاك و اقلك اني اديت الامانة ،انت كنت من اقرب الناس في حياتي و مش عارفة حقيقي احنا كلنا هنعيش ازاي من بعدك! يمكن ما فيش حاجة عمرها هترجعلنا حياتنا زي الاول بس الأكيد ان ربنا هيصبرنا و يقوينا عشان نكبرلك ولادك و نؤدي الامانة

وقالت أحمد كان أمام الكعبة يوم ١٧ أبريل بيعمل عمرة و دعالهم ربنا يهديهم و يقبلوا عرض الصلح عشان الكابوس ده يخلص و ربنا يحقق أمنيته الوحيدة انه يشوف جدته قبل فوات الاوان ليها و ما كانش متخيل انه هو اللي هيموت الاول مع ألف سلامة يا عميد عيلة الدجوي و أعز و أقرب أصدقائي .