اختفت من 3 شهور.. ايه اللي حصل لـ كيت ميدلتون ؟ .. ومفاجأة عن خيانة ويليام ليها ووفاتها !

اختفت من 3 شهور.. ومحدش يعرف عنها حاجة.. والأمير ويليام خانها مع صاحبتها المقربة.. وطلعت حامل منه.. يواجه نفس مصير الأميرة ديانا.. فيا ترى ايه اللي حصل لـ أميرة ويلز كيت ميدلتون .. وهل فعلا القصر الملكي أتخلص منها ! 

اختفاء الأميرة كيت ميدلتون من 3 شهور 

تصدر اسم الأميرة البريطانية كيت ميدلتون.. التريند على مواقع التواصل الاجتماعي.. خلال الساعات اللي فاتت.. ودا بعد انتشار أخبار عن وفاتها واخفاء القصر الملكي البريطاني لـ الخبر عن الشعب والعالم.. زي ما سبق وحصل مع الأميرة ديانا بالظبط.. فالبداية كانت مع اختفاء أميرة ويلز كيت ميدلتون.. زوجة ولي العهد الأمير ويليام.. من حوالي 3 شهور.. ووقتها أعلن القصر إنها تعرضت لأزمة صحية.. وتعمل عملية كبيرة في معدتها.. ومن وقتها والأميرة “كيت” مختفية تمامًا .. ومظهرتش خالص فأي حدث ولا فاعلية من وقت اختفائها من 3 شهور.. والقصر متجاهل إعلان أي أخبار عنها تمامًا أو توضيح حالتها الصحية .. 

 انهيار عصبي بعد خيانة الأمير ويليام

وطبعًا مع اختفاء الأميرة كيت المدة دى كلها.. بدأت تنتشر أخبار إن الأميرة كيت ميدلتون حصلها انهيار عصبي حاد.. ودا بعد ما عرفت بخيانة “ويليام” ليها مع صاحبتها المقربة ” روز هامبري”.. وكمان حملها منه.. وحصلها انهيار عصبي وحالتها بتسوء وفي غيبوبة.. وده اللي خلى القصر الملكي يعلن إنها في هتخضع لعملية.. عشان يغطوا على اختفائها وميعلنوش الحقيقة.. ويحاولوا يكسبوا أكبر وقت ممكن لحد ما حالتها تتحسن .. عشان ميثيروش غضب الشعب البريطاني بسبب خيانة “ويليام” ليها .. 

https://youtu.be/lIiz_yy_QTg?si=l1xUo6c3KZcdOe_f

كيت تواجه مصير الأميرة ديانا 

كمان بعد انتشار أخبار خيانة “ويليام” لـ “كيت”.. خلت الناس تفتكر اللي حصل مع الأميرة ديانا والأمير تشارلز.. واللي خانها هو كمان مع صديقته المقربة.. وانتهت حياتهم بالانفصال بعد تعاسة وخيانة عاشت فيها “ديانا”.. وانتهت حياتها بمأساة.. بعد وفاتها في حادث مع صديقها وحبيبها المصري رجل الأعمال “دودي الفايد”.. وحسوا إن “كيت” واجهت نفس المصير بعد ما عرفت خيانة “ويليام” ليها.. 

 صورة مزيفة لـ كيت ميدلتون 

وطبعًا مع زيادة التساؤلات عن اختفاء الأميرة ديانا.. حاول القصر الملكي البريطاني إنه يغطي على الموضوع.. فقرروا ينشروا صورة لـ كيت ميدلتون مع ولادها الثلاثة في عيد الأم.. على أساس إن ده أول ظهور ليها بعد العملية.. وإن حالتها اتحسنت.. لكن المفاجأة التي اكتشفها المتابعين أن الصورة “فوتشوب”.. وإن فيها اخطاء كتير.. واكتشفوا إن القصر البريطاني مرتبك جدًا.. وعشان كده بيحاولوا يغطوا على اختفائها بالصورة المزيفة التي نشروها.. وإن في مصيبة أكبر ممكن تكون حصلت لـ “كيت” وهى إن ويليام ممكن يكون قتلها.. والقصر البريطاني بيحاول يغطي على جريمته.. 

إعلان الحداد وتنكيس العلم 

ومع استمرار تساؤلات الشعب البريطاني والعالم كله عن سبب اختفاء الأميرة كيت ميدلتون.. تفاجئوا إن قناة CBC البريطانية.. أعلنت إن القصر البريطاني يستعد إنه يقول أخبار مهمة في أي لحظة .. وكمان غيرت اللوجو بتاعها من أحمر لـ أسود.. وكأن في إشارة لموت حد من العائلة الملكية البريطانية.. مش بس كدا.. دا كمان تداولوا صور لـ تنكيس العلم البريطاني.. ولكن أعلنوا إن الصورة قديمة ومش حقيقية .. وده اللي خلى العالم كله يتوقع إن فيه أزمة كبيرة تواجه العائلة الملكية البريطانية.. واتوقعوا إن الإعلان المهم اللي هيعلنوه هيكون ليه علاقة بـ كيت ميدلتون واختفائها.. 

وهيكون إما وفاتها أو تدهور حالتها الصحية.. من غير ما يعلنوا عن السبب.. ولحد دلوقتي العالم كله منتظر إعلان العائلة الملكية البريطانية عن سبب اختفاء كيت ميدلتون.. فيا ترى ستواجه نفس مصير الأميرة ديانا ؟ ..