قعد 15 سنة تانية في كلية حقوق.. اللي متعرفوش عن تايسون الدراما المصرية محمد ممدوح 

فضل في تانية حقوق 15 سنة.. راح لطبيب نفسي وكان هيتحبس في أول قضية نزلها.. اشتغل عامل في سينما وفتح قهوة.. مش بيحب لقب تايسون.. وأخوه اول حد آمن بيه.. وعبد الله غيث أشاد بشغله.. اللي متعرفوش عن الفنان محمد ممدوح

 15 سنة حقوق 

مفاجآت وأسرار محدش يتخيلها عن الفنان محمد ممدوح الشهير بتايسون بيحكيها لأول مرة قدام الجمهور.. وده خلال لقائها مع الاعلامي محمود سعد في برنامج سولد أوت.. اتكلم خلالها عن تفاصيل دخوله الفن.. ورحلة علاجه مع طبيب نفسي.. ورحلته في كلية حقوق.. 

محمد ممدوح من البداية وهو بيحب الفن وعاوز يدخل مجال التمثيل لكن اهله كان رافضين.. ماعدا اخوه الكبير اللي كان اول واحد آمن به وصدق في موهبته.. وشجعه على أنه يخوض الرحلة دي.. 

ممدوح كان مضطر انه يدخل كليه عادية علشان والده ووالدته رافضين انه يدخل معهد تمثيل.. ف دخل كلية الحقوق.. وكان بيسيب المحاضرات ويروح يحضر في ورش ومحاضرات في معهد السينما.. لدرجة انه بسبب الموضوع ده فضل في كلية الحقوق 15 سنة.. 

كان هيتحبس في أول قضية

قبل ما يسيب المحاماة خالص ويعتزلها من قبل ما يبدأها.. تايسون مسابش المحاماة بردو من غير ما يجربها واشتغل اسبوع محامي.. وكان بيدرب في مكتب أحد المحامين، وفي يوم نزل أول قضية.. واتخانق مع محامي تاني في المكتب.. كلمة بطريقة وحشة وعلى صوته عليه.. قدام القاضي.. الل هدده انه هحبسه.. هنا خد ممدوح قراره بأنه خارج من المحكمة بلا عودة. 

7 صنايع

محمد ممدوح اشتغل حاجات كتير.. غير التمثيل والمحاماة.. اشتغل قبل كده ضرب دف في أحد الفرق الموسيقية.. بيزف العرايس في الافراح.. واشتغل كمان قهوجي عامل في مطعم برجر.. واشتغل كمان قهوجي في قهوة بلدي بيقدم المشاريب للناس.. ده غير طبعا عامل في السينما.. و شغلانته كانت انه يوصل الناس للقاعة.

ومؤخرا كان أعلن تايسون أنه يتدرب على الرقص.. وقال مدربه الخاص انه راقص جيد.. ووضح ممدوح انه اتعلم الرقص علشان بيعمل مسرحية اسمها وتر الجنون.. وفيها عروض رقص وتمثيل.

 علاج نفسي 

محمد ممدوح كشف عن فترة علاجه النفسي في بداية مسيرته.. وقال ان ده كان بسبب بعض الادوار الل عملها.. وكانت فيها تفاصيل نفسيه معقده وبدأ يحس انه مش مظبوط.. وراح للدكتور علشان يساعده يفهم نفسه اكتر ويحاول يظبط اي خلل حصله. 

وكمان قال انه راح لدكتورة تخاطب علشان يعالج مشكلة مخارج الالفاظ اللي عنده.. والل بتخليه يتلعثم وقدر ان هو يعالجها بشكل كبير.. خاصة أنها كانت من الحاجات الل الجمهور انتقدها وكان رافضها في اداء ممدوح. 

اسم تايسون 

محمد ممدوح معروف باسم تايسون من أول ما ظهر على الشاشة لكن المفاجأة كانت في انه مبيحبش الاسم ده خالص.. وبيحب ان الناس تقول عليه محمد.. لكنه مضطر يقبله علشان ده اللقب الل اتعرف بيه والناس بتندهوا بيه في الشارع.. 

وقال تايسون انه متأثر جدا بالفنان يحي الفخراني والفنان محمود عبد العزيز.. خاصة أن الساحر ساعده ووقف جنبه.. واختار له الدور الل عمله في فيلم ابراهيم الابيض وكان دايما بينصحه.. غير أنه تعلم في بداياته من الفنان عزت العلايلي والفنان حسين فهمي.

وعن النجوم الكبار الذين أشادوا بموهبته.. قال إن الفنان الراحل حمدي غيث شافه في واحد من العروض المسرحية اللي كان بيقدمها على مسرح الهناجر واشاد بيه جدا وقتها ونصحه انه يهتم بنفسه و باداءه وانه يكمل في الفن.