المؤلف أسامة محرز عن ترانيم المداح: الكلام كان لازم يوصل أنه رسالة من الجن و الناس تدور على معناه شويه”(خاص)
المؤلف أسامة محرز عن ترانيم المداح: الكلام كان لازم يوصل أنه رسالة من الجن و الناس تدور على معناه شويه" (خاص)
يحقق مسلسل المداح الجزء الخامس نجاحاً كبيراً منذ طرحن ضمن فعاليات السباق الرمضاني الحالي، وكالعادة أنجذب الجمهور بشكل كبير الترانيم التى تقال داخل أحداث العمل، وتصدرت التريند على محركات البحث خلال الأيام الماضية.
وفي هذا السياق تواصل one take مع المؤلف إسلام محرز مؤلف ترانيم المداح وكان لنا هذا الحوار الخاص معه.
الترانيم في مسلسل المداح تحقق نجاح كبير كل جزء ما هى الأسس التى تعتمد عليها في كتابتك الترانيم ؟
المذاكرة بخصوص الموضوع والترانيم والمفروض أنها رسالة من الجن إلى المداح والمفروض أشوف أيه قصة الجن وقضيته ومشكلته مع الأنسان وعايز يقوله ايه.
لماذا اخترت اللهجة الصعيدي تحديدا في كلمات الترانيم؟
اخترنا اللهجة الصعيدي تحديدا لأنها تكون حاجة غريبة والكلام مش دارج حتى الكلمات الصعيدية مش الكلمات الدارجه في الصعيد.
ايه رأيك في الناس اللى بتقول الترانيم دى طلاسم وسحر؟
العام الماضي كنت بضايق وكنت طول الوقت بفضل أدافع وابرر وأقول مش طلاسم لكن السنة دي معملتش كده بسبب أن معظم الناس اللى كانت تروج للموضوع ده الهدف منه يتشهروا ويعملوا الريتش، وأكبر دليل أن الموضوع ده في الجزء الحالي مش زي العام الماضي، كمان العام الماضي كان فيه خوف فعلا لدرجه أن كان في ناس قرايبي بيكلموني يقولولى نسمع عادي ولا هتحصل حاجه.
ايه اكتر ترنيمة اخذت منك وقت في الكتابة؟ وليه؟
التحضير لكل الأغاني أخذ وقت في الفكرة والمذاكرة لكن أكتر وترنيمه أخدت وقت اللى لسه هتنزل “الميعاد” لأن كنت عملت توه توه وعملت بالك مندار، فكان الموضوع صعب اللى هو ممكن أعمل ايه تاني.
شوفت ازاى ردود الأفعال على الترانيم والأغاني؟
كنت خايف قبل نزول بالك مندار وأن الناس تكون خلاص أخدت الموضوع على أنه افيه وأنها جربت مره خلاص، ومع نزول بالك مندار وتاني يوم بقينا تريند بدأت أطمن وبعد توه توه بقت تريند ، فكده أنا تمام واطمنت.
