“ملكي وداعمي الأول”.. وصلة غزل من منى زكي لـ أحمد حلمي خلال تكريمها في مهرجان البحر الأحمر

“فضل ماسك ايدها وواقف جمبها.. وعينه منزلتش عنها طول ما هي واقفة على المسرح بتتكرم”، أحمد حلمي وزوجته منى زكي خطفوا الأنظار في الدورة الرابعة من مهرجان البحر الأحمر بالرومانسية والتفاهم الكبير اللي كان بينهم 

وظهروا على الريد كاربت وهما ماسكين إيد بعض ومفارقوش بعضهم لحظة ، ولما سألت المذيعة سألت منى عن حياتها مع أحمد حلمي عاملة إزاي. منى فاجأت حلمي بردها 

فمنى قالت إن أحمد ملهم جدا.. وهو مش بس ممثل ده كمان بيعرف يكتب ويرسم ويفكر في حاجات كريتيف.. يعني من الآخر كده متعدد المواهب

أحمد حلمي فرح بكلام منى.. ورد على كلامها وقال انا اكتشفت نفسي معاها. وأكيد أول ما أبدأ في حاجة هحتاج الوقت المناسب، فهي بالنسبالي الوقت المناسب اللي في حياتي” .

وفضلت نظرات الحب ما بينهم حتى بعد ما طلعت منى على المسرح عشان تستلم التكريم تقديرا لمجهودها طول السنين اللي فاتوا، ومنى زكي وهي على المسرح عبرت عن فرحتها الكبيرة بالتكريم وقالت إنها محظوظة بأنها اتولدت مصرية في بلد بتقدر الفن بكل أشكاله

وشكرت إدارة مهرجان البحر الأحمر على تكريمها.. كمان شكرت كل اساتذتها وزمايلها، وطبعا منسيتش أحمد حلمي وانتهزت الفرصة إنها عن حبها الكبير ليه قدام العالم كله، وقالت انها كتبت كل كلامها في ورقة عشان متنساش تشكر جوزها زي كل مرة لأنه أكبر داعم ليها ودايما بيساعدها ووصفته بملك حياتها