بعد مبادرة صلح رامي صبري .. ويجز يرد:” فرق أجيال بقي وده زي ابني”

بعد أن قام رامي صبري بمبادرة صلح مع ويجز ووصفه بأنه شقيقه الأصغر، خرج ويجز في رد جرئ وغريب على الأمر من خلال حسابه الشخصي على موقع التواصل الإجتماعي الفيسبوك. 

وكتب:” حصل خير ياجماعه راني صبري ده زي ابني بالظبط، وهو شطور وأمور ومجتهد أنا بس في اللقاء كنت حاسس كده بيجامل من ورا قلبه عشان الجمهور ميغلطوش، وفرق أجيال بقي مش بفهم منه حاجه خالص ف تلاقيني مخدتش بالي”. 

وكان قد رد النجم رامي صبري على تدوينة الشاعر تامر حسين حول خلافه مع ويجز خلال الفترة الماضية مؤكدا انتهاء الأزمة وأنه سامح ويجز.

كتب تامر حسين عبر حسابه على فيس بوك موجها حديثه لرامي صبري، “شهادتي فيك مجروحة أنت صوت عبقري مش محتاج رأيي وخطواتك ما شاء الله لطريق النجاح بتكبر وتزيد وكل سنة عندك هيت ناجح ومكسر الدنيا ولسة شايف ترتيب أنغامي أنت رقم ٢ في الاستماع بعد الهضبة ألبوم مكانك وفي الصدارة”.

وتابع، “تصريح مش موفق مِن ويجز رغم إن شفت له أكتر من لقاء كان راجل مُثقف ومُهذب جايز يكون واخد على خاطره أو فِهم كلامك غلط، إنما الأرقام اللى قالها مش أرقامك ولا الطريقة مُناسبة وأنت الكبير يا روما.. ويجز لو يعرف إنت أول واحد باعتلى أغنية البخت وبتقولى الراجل ده عنده حاجه مختلفة مكنش هيزعل كده دي شهادة حق والله”.

ورد رامي صبري على تامر حسين وكتب، “حبيبي تامر حسين الشاعر الكبير العظيم شكرا علي كلامك الجميل اللي زيك.. ويجز أخويا الصغير وأنا مسامحه وحصل خير”.

خلاف رامي صبري مع ويجز: 

ويذكر أن الخلاف احتدم بين رامي صبري و ويجز عندما صرح رامي أثناء لقائه مع اسما ابراهيم في برنامج حبر سري، أنه لا يفهم كلمات اغاني ويجز لكن يحبه ويحب المزيكا الخاصة به، وذلك دفع ويجز للخروج والرد ووصف رامي صبري بأنه رقم 19.