أين اختفت مي عز الدين؟!.. الفيديو ده كان اخر فيديو تقريبا نشرته مي عز الدين على حساباته بمواقع التواصل الاجتماعي.. قبل ما تختفي تماما من كل المنصات.. ولان الاحداث يالتزامن مع اختفاءها كانت مشتعله محدش اخد باله اوي.. غير لما سافرت للمشاركة في موسم الرياض..
اختفاء
خاصة ان مي من ابطال مسرحية زواج اصطناعي الل اتسببت في جدل كبير وخلاف لسه متحلش بين محمد سلام وبيومي فؤاد.. وده بعد ما سلام رفض انه يشارك في عرض المسرحية في موسم الرياض.. احتراما لمشاعر اخواتنا في القطاع بعد العدوان عليهم.. واستبدلوه بمحمد انور.. الل وقف بيومي فؤاد يدافع عنه على المسرح في اخر يوم عرض ويهاجم محمد سلام.. والفيديو الشهير الل قال فيه اقسم بالله احنا ما يتوع فلوس احنا بتوع فن..
احنا مش بتوت فلوس
ومع تداول الفيديو.. كان واقف ورا بيومي فؤاد مي عز الدين.. الل افتكر الجمهور انها هي كمان مشاركها في المسرحية وقررت انها تسافر وتعرض واتعرضت لبعض الهجوم بس مش كتير.. وده لان مي من بداية الازمة اختفت تماما من السوشيال ميديا.. وكمان اكتفت بانها تقدم مسرحيتها فقط بدون اي تصريحات او تعليق على اي حاجه حصلت.. وبناءا عليه الهجوم مكانش بالقدر الل اتعرضله بيومي فؤاد ومحمد انور..
وكانت اخر حاجه نشرتها مي على حسابتها عموما.. فيديوهات تيك توك بشكل كوميدي.. وعلى انستجرام اخرهم كانت صورة سيلفى ليها.. قبل ما ترجع وتفتح حساباتها من جديد بعد الدنيا ما هديت شوية.. ونشرت صورة في ديسمبر 2023.. ومن وقتها منشرتش اي حاجه تانية..
حجة البليد
ومن ناحية تانية قالت الناقدة الفنية ماجدة خيرالله ان سبب اختفاء مي عز الدين وقلة أعمالها.. انها مش بتطور من نفسها ومش قادرة تنوع الشخصيات الل بتقدمها.. وكانت مي قالت ان قلة اعمالها بسبب انتقاءها الاعمال وانها مش بتقبل اي حاجه.. فردت هيرالله وقالت.. ان دي حجة البليد.. وانها حجة أي فنان قاعد في البيت ومش شغال.. حجته أنه مش لاقي نصوص أو ورق.. والبحث عن أي حجة..
وبعيدا عن كلام ماجدة خيرالله.. سبب من الاسباب المهمة لاختفاء مس عز الدين عن الساحة سواء بالمشاركة في اعمال او اختفاء من السوشيال ميديا.. مرض والدتها.. والل اشتد عليها بشكل كبير.. واثناء عرض مسرحيتها زواج اصطناعي.. كانت والدتها بتبدأ جلسات غسيل الكلى.. علشان كد مي أجلت كل حاجه ممكن تشوفها لرمضان 2024.. الل بنسبة كبيرة وشبه مؤكدة هي خارج السباق..
ودي مش اول مرة مي تختفي فجأة عن السوشيال ميديا.. ف مع بداية كورونا وبعد مسلسلها خيط حرير.. اختفت مي عز الدين.. واتقال وقتها انه بسبب الاحباط الل حصل نتيجة كورونا الل وقفت كل حاجه في العالم والل كان منها اعمال كتير لمي عز الدين..
يذكر أن مي عز الدين حققت العديد من النجاحات الفنية خلال مشوارها الفني، من خلال مسلسلات “رسايل” و”وعد” و”حالة عشق” “ودلع بنات” وكذلك أفلام “عمر وسلمي” والذي تكون من 3 أجزاء، و”جيم أوفر”، و”اللمبي 8 جيجا”، وغيرها.. وبعد شهور طويلة من العزلة الفنية والإعلامية.. رجعت مي عز الدين على انستجرام وباقي المنصات..
ومعروف عن مي عز الدين تفاعلها الشديد مع جمهورها على اكونتها بانستجرام.. علشان كد لما بتغيب عن السوشيال ميديا بيكون مؤثر جدا وبسهولة الجمهور بيقدر يلاحظ اختفاءها..
