نجوم جدد انضموا للأجزاء الجديدة من مسلسلات رمضان ٢٠٢٥ أبرزهم فيفي عبده في مسلسل العتاولة 2

رمضان 2025 هيكون موسم مختلف جدًا على مستوى الدراما، لأن مش بس هنشوف أعمال جديدة، لكن كمان هنشوف أجزاء ثانية من مسلسلات كسرت الدنيا في المواسم اللي فاتت. مسلسلات حصدت نجاح كبير، ورجعت بجزء جديد علشان تكمل الحكاية اللي كلنا استمتعنا بيها. تعالوا نشوف سوا أبرز الأخبار والتفاصيل اللي شغلت الجمهور والنجوم اللي انضموا لأعمال رمضان 2025!

طبعًا دراما رمضان 2025 هتبقى مليانة أجزاء تانية لمسلسلات حققت نجاح كبير، وأكيد من أبرزهم الجزء التاني من “العتاولة”، وكمان مسلسل “أشغال شقة”. ده غير إننا كلنا مستنيين الجزء الخامس من مسلسل “المداح”، اللي استمر نجاحه على مدار الأربع أجزاء اللي فاتت، واللي هيكمل برضه في رمضان 2025.

بالنسبة لمسلسل “العتاولة”، أعلنت النجمة فيفي عبده إنها انضمت لنجوم الجزء التاني اللي هيتعرض في رمضان الجاي. وده كان من خلال خاصية الستوري على إنستجرام، وقالت إنها هتشارك في العمل اللي حقق نجاح كبير في رمضان اللي فات. 

المخرج أحمد خالد موسى كمان أعلن في إبريل اللي فات عن تحضيرات الجزء الثاني، وشارك بوستر المسلسل اللي فيه صور النجوم أحمد السقا، طارق لطفي، وباسم سمرة. وكتب عليه: “العتاولة 2 رمضان 2025 إن شاء الله. أول جزء تاني في حياتي مع أطيب شركة وألذ منتج وأحلى نجوم وكرو. ويلا بينا!”

فيفي عبده آخر أعمالها كان مسلسل “شغل في العالي” 

أما عن مسلسل “أشغال شقة”، هشام ماجد كشف إنهم بدأوا يكتبوا في الجزء التاني اللي هيتعرض في رمضان 2025. الجزء التاني بيتكتب حاليًا وإن شاء الله يعجب الناس زي الأولاني.”

ومننساش النجاح الكبير اللي حققه مسلسل “المداح” على مدار الأربع أجزاء. حمادة هلال وأبطال العمل بيحضّروا للجزء الخامس اللي هيتعرض في رمضان الجاي برضه. ومي عز الدين مرشحة تنضم للفريق مع النجم شريف منير، والعمل هيكمل بعنوان “المداح أسطورة لا تنتهي.”

مي عز الدين مرشحة للمشاركة في المداح الجزء الخامس 

وشريف منير انضم للجزء الخامس، رمضان 2025 هيكون مليان حماس وإثارة، ما بين مسلسلات جديدة وأجزاء تانية لمسلسلات كلنا حبيناها. هل الأجزاء الجديدة هتحقق نفس النجاح؟