قضي معه اليوم في الساحل.. ورقص معاه على نمبر وان.. وخبى وشه من الكاميرا.. وكان خايف عليه.. وبيتعامل معاه زي ولاده بالظبط..
فاجئ الفنان محمد رمضان المتابعين والجمهور بصورة جديدة ليه.. لكن المرة ده ماكنش لوحده.. وكان معاه مفاجأة ليهم.. فظهر مع ابن الفنانة زينة وأحمد عز.. فالظاهر إن “نمبر وان” علاقته توطدت بـ “زينة” وبقوا صحاب.. وبدأ يظهر مع ولادها وهو بيلعب معاهم.. فيا ترى ازاي زينة ورمضان بقوا صحاب.. وايه حكاية ظهور ابنها معاه ؟ ..
صداقة زينة ونمبر وان
البداية مع تعارف زينة ومحمد رمضان.. فبدأت صداقتهم من خلال تعاونهم في مسلسل جعفر العمدة في 2023.. فبالرغم من الخلافات اللي حصلت بين زينة والمخرج محمد سامي خلال المسلسل.. لكن حصلت صداقة قوية بين زينة ونمبر وان.. وكانت مبسوطة إنها بتتعاون معاه لأول مرة.. ففي كل لقاء كانت بتأكد إنه أكبر مكسب طلعت بيه من مسلسل “جعفر العمدة”.. وإنه متعاون جدًا.. وهو كمان كان دايمًا بيوصفها بـ إنها نجمة كبيرة..
احتفاله بعيد ميلاد أختها
مش بس كدا.. كمان صداقة زينة بـ محمد رمضان.. بقت عائلية.. وكمان أخوه محمود وأختها ياسمين بقوا أصدقاء كلهم.. خاصة إنهم كانوا بيحضروا معاهم التصوير دايمًا.. وانتشرت صور وفيديوهات .. كان فيها “نمبر وان” بيحتفل بعيد ميلاد أختها “ياسمين” وشايلها ومبسوط بيها.. فالصداقة بينهم بقت عائلية.. وبقوا دايمًا بيتقابلوا وبيودوا بعض..
ابن زينة مع نمبر وان
والظاهر إن الصداقة ده موقفتش عند مسلسل جعفر العمدة بس.. فكمان استمرت بعد ما المسلسل خلص.. ففاجئ “نمبر وان” المتابعين والجمهور بصورة ليه على انستجرام وهو متصور مع ابن زينة وأحمد عز في الشاليه بتاعه في الساحل.. وعاملين علامة “نمبر وان”.. وشاركها وعليها أغنية “مصباح علاء الدين”.. وعلق عليها وقال: “رجالة ربنا يحفظهملك”.. كمان كان مخلي ابن زينة مدى ظهره للكاميرا عشان وشه ميظهرش.. احترامًا لرغبة “زينة” اللي بتحب تحافظ على خصوصية أولادها من الإعلام..
تجسيد حقيقي لـ معنى الرجولة
وطبعًا بعد الصورة اللي شاركها نمبر وان فرحت “زينة”.. وعملت مشاركة لصورته مع ابنها وعلقت عليها وقالت: “كل الأطفال ومنهم أبنائي يعشقونك، وهذا دليل على لطفك الحقيقي، لأن حب الأطفال لا يكذب أبدًا، أنت تجسد المعنى الحقيقي للرجل وتعريفه، بارك الله في روحك ومنحك النجاح المستمر، احترامي لك ولعائلتك”.. ورد عليها نمبر وان وقالها: “ربنا يحفظهولك هو وأخوه”..
واستغرب المتابعين والجمهور في البداية ظهور رمضان مع ابن زينة وأحمد عز.. وعلقوا على الصور وقالوا في تعليقاتهم: “ايه اللي لم الشامي على المغربي”.. “روحك حلوة يا رمضان،، ودايمًا بتحب تتصور مع الأطفال وتفرحهم”.. “ربنا يباركلك فيهم يا زينة،، وشكرًا لرمضان إنه بيحاول يفرح الأطفال دايمًا”..
رمضان مع ابن دنيا سمير غانم
كمان الفنان محمد رمضان مش أول مرة يتصور مع الأطفال أو حد من ولاد الفنانين.. فسبق وظهر قبل كدا مع بنت الفنانة دنيا سمير غانم وصحباتها الأطفال.. وعمل معاهم فيديو تيك توك “يعني الدنيا هتحلو”.. وكانوا مبسوطين بوجودهم معاه وبيتعامل معاهم بعفوية وحب.. كمان سبق ونشر صورة ليه مع ابن الفنان أمير كرارة اللي راحله مخصوص عند بيته في الساحل عشان يتصور معاه.. واستقبله رمضان واتصور ولعب معاه.. وعمل نفس الشئ مع ابن زينة ..
قولنا ايه رأيك في تصرف نمبر وان مع ابن زينة وأحمد عز ؟
