ترقب الوصول تزوير أوراق رسمية.. تطورات قضية عصام صاصا بعد إنهاء حياة مواطن على الدائري

تحقيق 12 ساعة.. اتهامات بالتزوير في محرر رسمي.. السفر للخارج وقرار من النيابة بالحبس 15 يوم على ذمة التحقيقات.. هل ورط عصام صاصا شقيقه؟!.. 

 عصام صاصا

تطور جديد في ازمة مطرب المهرجانات عصام صاصا.. واللى واضح كده انه ورط اخوه.. الل اصبح متهم بالتزوير في محرر رسمي لصالح اخوه.. وهو عبارة عن توكيل عام بالقضايا.. على سبيل الاستدلال بأقواله.. 

النيابة العامة قبضت على اخو عصام صاصا من بيته في حدائق الاهرام.. و خضع لتحقيقات موسعة استمرت لحوالي 12 ساعة.. في اتهامه بتزوير توكيل شهر عقاري لصالح اخوه عصام وهو موجود برا البلد بعد إخلاء سبيله في حادث دهس شاب على الطريق الدائري في منطقة الطالبية و سفره للإمارات.. 

 ساعة تحقيق

وقال “محمد” شقيق عصام صاصا خلال الـ 12 ساعة تحقيقات.. ميعرفش اي حاجة عن الاتهام المنسوب ليه.. بأنه زور التوكيل.. اصر محمد طول التحقيق انه ميعرفش حاجه.. واكد ان عصام قاله روح هات ورقة من المكان الفلاني وامشي.. 

ومش عصام بس الل تم التحقيق معاه.. كمان النيابة استدعت زوجة محمد وحققت معها في التزوير.. وقالت انها متعرفش حاجه وكل معلوماتها ان صاصا خبط شخص بعربيته على الدائري والشخص اتوفى.. واكدت ان مالهاش اي علاقة من بعيد او من قريب بالواقعة.. وجوزها مقالهاش حاجه.. واتفاجأت بالقبض عليه.. وقالت.. انا جوزي ميعرفش حاجه عن التوكيل المزور ده.. واتاخد في الرجلين..

النيابة بعد تحقيقاتها قررت حبس محمد شقيق عصام صاصا 4 أيام على ذمة التحقيقات.. قبل ما يجددها قاضي المعارضات 15 يوم على ذمة التحقيقات في اتهامه بتزوير محرر رسمي.. 

القتل الخطأ

ويواجه عصام صاصا تهمة القتل الخطأ.. بعد ما تسبب في وفاة شخص على الطريق الدائري وهو راجع من احد الحفلات اللي كان بيعملها.. وقال عصام في التحقيقات أنه كان  سايق عربيته وفجأة لقى الراجل قدامه بيقطع الطريق.. ولكن يقال ان عصام صاصا كان تحت تأثير المخدرات.. ومكانش في وعيه.. 

المحكمة احالت صاصا للمحاكمة وتم تأجيل القضية لـ 11 اغسطس.. علشان يقدر يحضر.. بما أنه خارج مصر حاليا.. وطبعا التوكيل المعمول والمتهم فيها اخوه بالتزوير اتعمل علشان يدافع عن اخوه من غير ما يكون في حاجة لحضور عصام نفسه.. 

 مترقب وصوله

وأدرجت جهات التحقيق اسم عصام صاصا.. على قوائم الترقب والوصول لضمان القبض عليه فور عودته لمصر من خلال المطار… 

عصام صاصا.. واحد من أشهر مطربي المهرجانات خلال السنين الل فاتت تحديدا اخر 5 سنين.. وحقق شهرة كبيرة جدا في مصر والوطن العربي..  

اتولد عصام صاصا في محافظة الجيزة وعمره حاليا 26 سنة.. اسمه الحقيقي عصام محمد متجوز وعنده طفل اسمه رحيم.. لقبه الكروان.. 

بداية وصوله

بدأ عصام صاصا مسيرته الفنية كدي جي قبل أن ما يتجه  للغناء.. ويتعرض للمساءلة قدام نقابة المهن الموسيقية قبل كده بسبب لفظ خادش في واحدة من حفلاته.. وعلى الرغم من بداياته المتواضعة كسواق توك توك.. قدر عصام صاصا أنه يطلع سلم الشهرة بسرعة.. وقبلها كان كهربائي.. لحد ما لقى ضالته في غناء المهرجانات وبقى من أشهرهم.. 

اتميز عصام صاصا بأسلوبه المختلف عن مطربين المهرجانات الباقيين ووصل استماع الجمهور ليه لمستويات تخطت عمرو دياب ومطربين كتير مهمين.. وبقى من الأبرز على منصة زي سبوتيفاي وفاز بجائزة أفضل مؤدي مهرجانا من وشوشة في 2021.. 

وعنده قناعة تامة انه يقدر يغني كل ألوان الموسيقى.. وقال انه في حالة انه غنى المهرجانات اتلغى يتجه لغنا اي لون تاني من الغنا..