نجمة الأندرجراوند وتلميذه الشيخ إمام.. ما لا تعرفه عن المغنية مريم صالح

 

اتربت على يد الشيخ امام.. وغيرت شكل المزيكا.. اتربت في عائلة فنية.. واستاذها احمد فؤاد نجم.. 

أداء عنيف 

 

الموسيقى التي تقدمها مختلفة أداء عنيف على موسيقى الراب.. بس من غير ما تغني راب.. متمردة على فنها وكل يوم بتقدم حاجة مختلفة عن اللي قبلها.. 

  

 

مريم صالح سعد.. مغنية وكاتبة أغاني وممثلة مصرية اتولدت لعائلة فنية ساعدتها في تكوينها.. في البداية كانت من وهي طفلة من خلال الشغل مع والدها المسرحي صالح سعد في فرقته سرادق.. 

 

 

شغلها في المسرح وثقافة والدتها المختلفة.. خلتها متمردة في لبسها وستايلها وطبعا غناها.. بتجرد الاحداث من كل حاجه الا المشاعر.. الل بتحركات الكلمات.. وبتحرك معاها كل حاجه عندها.. وساعدها في ده ان ربنا بعتلها في طريقها الشاعر ميدو زهير اللى كان بيكتب لها الاغاني كأنه يوصف اللي جواها بالظبط.. ورغم أن كلامه بسيط بس ساعات هتحس انه مكعبل.. 

 

 

 الشيخ امام

 

 

تتلمذت على يد الشيخ إمام والشاعر الكبير أحمد فؤاد نجم.. الل كانوا أصدقاء مقربين لوالدها.. وكل ليهم دور كبير في الحالة اللي وصلت لها وتكوين وجدانها وتمردها على العادي.. والشيخ امام بذات مأثرة فيها جدا ودايما عندها شغف انها تغنيله.. 

 

 

مريم مش مجرد مغنية عادية.. فهي مش مطربة هي حالة خاصة.. ليها مود مختلف عن المعتاد.. بصوتها القوي وأدائها العنيف في الغنا.. 

 

 

رغم غيابها فترة طويلة عن الإطلالات الحية، نظرًا لأزمة كورونا، مع انشغالها بتربية ابنتها “سر”، قررت العودة إلى الساحة الفنية من جديد، وهذه المرة “عودة مش عادية”، بتحضيرها حفل غنائي ضخم بالقاهرة، مع انشغالها بتحضير عدة أغاني جديدة.

 

 

 مختلفة 

 

 

اسماء أغانيها حتى مختلفة.. زي التيمة الموسيقية اللى تظهر فيها كل مرة.. وبالرغم من تمردها بس قادرة تواكب.. وتجدد من الموسيقى الخاصة بها منها موسيقى التراب والراب.. وبالرغم من انها مزيكا راب بس هي مش بتغني راب.. وهو دي بصمة مريم صالح.. 

 

 

 وعلى الرغم من اختلافها إلا أنها منفتحة على كل الألوان الموسيقية.. فهي تحب تسمع مهرجانات جدا.. فهي بالنسبالها بتعبر عن جيل كامل.. فطبيعي تظهر الوان جديدة..  وقالت.. بحب الراب والمهرجانات والأغاني دي مش عيب نسمعها ونحبها.. وكل مزيكا بتعبر عن جيل.. وذوق لناس تانية.. لان المزيكا والغنا مش حكر على حد معين ولا طريقة ولون معينين.. 

 

 

 جدل عن إيقافها 

 

ومن التعليقات الل دايما بتيجي على غناها.. إن البعض شايفها بتزعق.. بس ده بيبقى لأول مرة.. لكن بعد كد.. هتفهم ان هي بتجسد بصوتها مشاعر الكلمات.. بالمعنى الحرفي.. 

 

 

وكان اثار اسم مريم صالح جدل كبير من فترة.. بعد ما يتقال انها اتمنعت من الغناء في مصر.. بقرار من هاني شاكر لما كان نقيب موسيقيين.. بعد انتشار مقطع لاغنيتها انا رص رص انا دوشة.. انا هس هس انا كله.. ومع الدعاوى التي بدأ يظهر لأغنية تسكر تبكى.. 

 

 

ونفت وقتها مريم الكلام ده وقالت.. أنا مش ممنوعة من الغنا ولا حاجة.. ومفيش أي مشكلة بيني وبين هاني شاكر.. دي كانت زيطة وحملة تنمر عليا وخلصت.. مردتش أرد أو أعلق عليها وركب الموجة وقتها.. وأكدت أن غيابها كان بس عشان بنتها الصغيرة.. الل سمتها سر..   

 

 

 زوجها فلسطيني 

 

ومريم متجوزه من الفلسطيني تامر أبو غزالة واللى شاركها في اعمال كتير منها مشروع الإخفاء.. وعندها منه بنتهم سر.. أنفصل عن العالم الفني لفترة عشان تتفرغ لتربيتها.. 

 

 

مسيرة مريم صالح ممتدة لأكثر من 15 سنة.. بدأتها بألبومها الأول “أنا مش بغني”.. واشتهرت بأغنيات زي “وحدي” و”سرعة الأيام..  ومن بعدها المزج بين روح أغنيات الشيخ إمام مع الإلكترونيك ميوزيك مع الموسيقار اللبناني زيد حمدان في ألبوم “حلاويلا”.. 

 

 

 تمثيل 

 

 

ومع الغناء كانت لها تجارب تمثيلية.. منها فيلم حدوته من صاج.. مع امينة خليل.. الل جسدت فيها شخصية منى فرخة وهي فتاة ليل.. ده غير مشاركتها المميزة في مسلسل فرح ليلى.. فيلم صيف تجريبي.. 

 

مريم اختلافها عرضها للتنمر كتير وهجوم سلبي على منصات السوشيال ميديا.. بسبب اداءها المختلفة وكلمات أغانيها.. وموسيقتها الل تعتبر بالنسبة لناس كتير مش مفهومة.. لكنها في النهاية حالة مختلفة وخاصة جدا.. عملت علاقة كبيرة بينها وبين جمهورها.. من الجيل الجديد من الشباب.. الل بالنسبالهم صراخها وانفعالها.. يهربهم من مشاكلهم و أزماتهم النفسية..