جيني كامل عن شيرين عبدالوهاب:” شقيت كتير في طفولتها ومحدش له فضل عليها” 

تصدر اسم شيرين عبد الوهاب محركات البحث وذلك بعد اعتذارها عن حفلاتها مؤخراً واختفاء، كما انتشر تسجيل صوتى حسام حبيب وهو يقول أن أهل شيرين السبب في كل ما وصلت إليه من تراجع فني ملحوظ. 

وفي هذا السياق خرجت الفنانة المعتزلة جيني كامل وتحدثت عن الأمر وذلك من خلال حسابها الشخصي على موقع التواصل الإجتماعي الفيسبوك حيث نشرت صورة لها بصحبة شيرين وقالت:” كلمتين حق لوجه الله شيرين عبد الوهاب من أكثر الشخصيات شوفتها في الوسط الفني طيبة وجدعة وبسيطة .

وأضافت:” شقيت كتير من طفولتها ومحدش له فضل عليها غير موهبتها ونفسها بل بالعكس لها أفضال على ناس كتير وبدون مقابل، تقريبا أنا الوحيدة اللي هاجمت حسام في أزمتها قدام كل الناس في وقت تقريبا كل الناس كانت بتقول هيتصالحوا وفعلا اتصالحوا بعدها

وتابعت:” قابلتها السنة اللي فاتت في الرياض في حفلة الموجيفي فواصل المطربين حسام شافني خرج قالت له بقولك ايه بتحبني و بتدافع عني إلا چيني وفعلا قلت لها لو موتوا بعض أنا مش هتدخل في أزمتي الأخيرة  شيرين من القلائل اللي طلبتني وألحت وقالتلي كلام قمر يضحك موت ويبكي في نفس الوقت  صحيح ممكن ما نقبلش كتير بس ممكن نرغي بالساعات في مكالمة كانت بتهزر علي نفسها لأنها كانت أطلقت بالفعل من حسام وسألتها انتي قاعدة مع مين قالت خلاتي ما تيجي تتعشي معانا  

واختتمت:” كل ده لازم يتقال في حق واحدة عمري ولا عمرها ما كان لنا مصالح مع بعض بتحبني وبحبها من غير شروط .هي فعلاً في أزمة وأنا مش عايزة أعرف مين سبب ولا وقت لوم للبنت ، بس وبكل أمانة أنا قعدت مع أمها وأختها وأخوها وما شوفتش منهم غير انهم ناس طيبين وعايزينها مبسوطة وعند نفس  رأيي اللي  يشوف مراته حالتها الصحية والفنية  بتدهور كده يبقي سبب  لأنه كان لازم يكون له دور لأنه ولي أمرها حتى بالعافية 

وخصوصا إنها بتحبه وأكيد كانت هتسمع كلامه أنا شايفة ناس نطت من المركب والبنت بتغرق  بدل ما نشد أيد بعض أحنا مصممين نغرق بعض  في المواقف دي أنا ما بتستأذنش  حد أساعده أنا بروح على طول لكن للأسف أنا لا عارفة هي فين ومع مين في الاخر البنت دي موهبة كبيرة وقبل الموهبة هي إنسانة أقفوا جنبها ولو في حد. منقذ يتدخل بأيده بقي بعقل بفلوس  بنفوذ بسلطة يخش يخلص ده اللي أنا بفهمه حد يخش يخلص أو هنصحي  يوم نعيط بس كلنا.