ولاد رزق التوب.. واكتسح شباك التذاكر بـ 4 مليون جنيه في يوم واحد بس.. واللعب مع العيال خطف قلوب الجمهور بالكوميديا وخفة الدم.. أما أهل الكهب فـ إيراداته كانت مٌخيبة لـ آمال الممثلين ..
منافسة قوية شهدتها السينمات مع بداية عيد الأضحي 2023.. فأكثر من فيلم شارك خلال الموسم عشان ينافسوا على شباك التذاكر.. وتنوعت الأفلام التي شاركت ما بين الأكشن والكوميديا وكمان الأفلام التاريخية.. فكان موسم السنة أكتر موسم متنوع من حيث عرض الأفلام .. فيا ترى ايه هو الفيلم الذي يتصدر الإيرادات ؟ ..
ولاد رزق حقق 4 مليون جنيه في يوم واحد
البداية كانت مع فيلم “ولاد رزق”.. واللي تم عرض الجزء الثالث منه في السينمات يوم 12 في الشهر.. وقبل بداية عيد الأضحى بكام يوم.. فقدر الفيلم إنه يكتسح شباك التذاكر ويحقق إيرادات خيالية.. خاصة إنه من سلاسل الأفلام اللي بيحبها الجمهور ومتعلق بيها.. خاصة مع عرض الجزء الأول والثاني قبل كدا.. ويحكي الفيلم عن عملية جديدة بيقوم بيها “ولاد رزق” في الرياض,, ويشارك في الفيلم أحمد عز وعمرو يوسف وكريم قاسم ومحمد ممدوح.. وينضم إليهم السنة ده آسر ياسين في دور “الشايب”.. والذي ينضم لـ “ولاد رزق” في العملية الجديدة بتاعتهم..
وقدر الفيلم يحقق 4 مليون جنيه و400 ألف جنيه في أول يوم عرض ليه في السينمات.. واكتسح شباك التذاكر وبقا التوب.. وكتب المستشار تركي آل الشيخ المشارك في إنتاج “ولاد رزق 3” على صفحته الشخصية: “إيرادات أمس تخطت حاجز الـ8 ملايين جنيه،، 8 مليون و120 ألف جنيه ثاني يوم عرض في مصر، ولسه العيد،، يعني 13 مليون في يومين في مصر”..
اللعب مع العيال خلطة كوميدية
أما فيلم اللعب مع العيال واللي شارك بيه النجم محمد إمام في سيزون عيد الأضحى.. فجاء في المركز الثاني بعد فيلم “ولاد رزق”… وحقق 571,680 جنية.. فشارك في الفيلم محمد إمام وأسماء جلال وكمان “ويزو”.. ويحكي عن شاب يتعرض لأزمات ومواقف صعبة بتغير حياته كلها.. ورغم إن الفيلم فيه خلطة كوميدية مميزة بسبب النجوم المشاركين فيه.. لكنه مقدرش يتفوق على ولاد رزق.. وجاء في المركز الثاني في إيرادات شباك التذاكر..
أهل الكهف في المركز الثالث
أما فيلم أهل الكهف فكانت إيراداته غير متوقعة .. وكانت مخيبة لآمال كتير من الجمهور.. وعمل إيرادات قدرها 162,082 جنيه بس.. الفيلم من نوعية الأفلام التاريخية.. ويشارك فيه مجموعة من أهم الفنانين زي “خالد النبوي وغادة عادل ومحمد ممدوح ومحمد فراج وريم مصطفى ومحمود حميدة وفتحي عبدالوهاب وكمان أحمد عيد وهاجر أحمد”.. ويحكي الفيلم عن قصة أهل الكهف والمأخوذة من رواية توفيق الحكيم.. عن 7 أشخاص بيخشوا كهف وناموا ويصحو بعد 300 سنة.. وبيرجعوا للملكة وبيت صدموا في تغيير شكل الحياة تماما.. ورغم إن قصته تاريخية ومميزة.. لكنه مقدرش يتصدر شباك التذاكر وجه في المركز الثالث..
وحاليًا بيتنافس الـ 3 أفلام في شباك التذاكر لسة خاصة مع قرب عيد الأضحى.. واللي هيخلي شباك التذاكر وصالات السينما تنتعش أكتر.. والإيرادات هتزيد.. لكن لحد دلوقتي مفيش ولا فيلم عارف يسحب البساط من فيلم “ولاد رزق”.. فيا ترى ممكن الحال يتغير خلال أيام العيد ويقدر فيلم “اللعب مع العيال” أو فيلم “أهل الكهف” يطيحوا بولاد رزق ويبقوا في الصدارة.. ولا “ولاد رزق” هيفضل المسيطر على شباك التذاكر والإيرادات !
