شنطة سفر أنقذتها.. سر الشنطة التي ظه
راحت المحكمة وفي شنطتها 4 مليون جنيه.. دفعتهم وتصالحت.. وخلصت قضية الشيك بدون رصيد.. والل كانت هتتحبس بسببه 3 سنين..
شنطة سفر
حضرت الفنانة نسرين طافش قدام محكمة جنح مستأنف أكتوبر خلال نظر الاستئناف المقدم منها على حكم حبسها 3 سنين.. في قضية شيك بدون رصيد.. وفي ايدها شنطة سفر فيها 4 مليون جنية علشان تدفعهم وتتصالح في القضية..
ومكانش اقدام نسرين طافش أي وسيلة تاني علشان تهرب من زنزانة السجن والعباية البيضة غير انها تسدد الفلوس كاملة كاش للمجني عليها.. وتحمل نتيجة خطئها بتحرير شيك بدون رصيد.. اللي مكانش من صحبته غير أنها تلجأ للقضاء وتحاول تحفظ حقها..
وكانت محكمة جنح أكتوبر بمحكمة جنوب الجيزة الابتدائية قضت في وقت سابق برفض معارضة الفنانة نسرين طافش على حبسها 3 سنين وتأييد حكم أول درجة..
سوء نية
وقالت النيابة إنها حررت شيك بسوء نية لصالح المجني عليها نشوى صفاء الدين بمبلغ 4 مليون جنيه.. وفي المقابل مكانش فيه رصيد كافي في حسابها البنكي للسحب مع العلم ان نسرين طافش كانت عارفه..
وكانت المحكمة في جلسة 26 يونيو 2023.. حكمت بحبس نسرين طافش غيابيا تلت سنين مع الشغل وكفالة عشرين ألف جنية لإيقاف تنفيذ العقوبة مؤقتا..
لكن بدفع نسرين طافش المبلغ بالكامل.. كتبت المحكمة نهاية الموضوع و قضت بانقضاء الدعوى بالتصالح على حكم حبسها 3 سنين..
https://www.facebook.com/share/v/e4g4kXbYPA6aTGyW/?mibextid=oFDknk
اعدهم فين دول
وتعليقا على دخول نسرين طافش المحكمة بشنطة فيها 4 مليون جنيه.. علق دفاع المجني عليها بسخرية.. جيبالي 4 مليون جنيه في شنطة اعدهم فين دول..
ومن جانبها علقت نشوى صفي الدين المجني عليها في القضية على التصالح بينها وبين نسرين طافش وردت على ادعائها بأنها مديرة أعمالها.. وقالت نشوى.. انها مش مديرة أعمالها وكلامها عن ان الفلوس دي باقي مستحقاتها مش حقيقي..
وان القصة وما فيها انها تنازلت لنسرين عن الجزء اللي باعته من بيتها والتنازل تم في قسم الشرطة.. واستلموا منها الشيك بمبلغ 4 مليون جنية.. ولما راحت البنك اكتشفت انه بدون رصيد.. واكدت انه خلاص تم التصالح واستلمت فلوسها و تحكم ببراءة نسرين من القضية..
لا يحيك المكر السيئ إلا بأهله
وفي أول تعليق من نسرين طافش بعد خروجها من المحكمة.. نشرت على حسابها بموقع انستجرام من خلال خاصية ستوري.. صورة مكتوب عليها.. ولا يحيك المكر السيء إلا بأهله..
وظهرت نسرين طافش في اكتر من صورة وفيديو لقطتها عدسات المصورين في المحكمة.. وهي مبتسمه وفي غاية السعادة بعد نهاية كابوس حبسها 3 سنين.. وتسديدها الفلوس قيمة الشيك..
وكان محامي نسرين طافش.. أكد أن موكلته ممنوعة من السفر خارج مصر.. بسبب صدور حكم حبسها 3 سنين.. وقال انها محتاجه شهادة من المحكمة بحكم براءتها.. وانتهاء الدعوى علشان تقدر تمارس نسرين حياتها بشكل طبيعي وتخرج بره مصر في الوقت اللي تحبه..
لايڤ تيك توك
وكانت نسرين طافش دخلت في ازمة مع الجمهور بعد مهاجمتها بسبب دخولها لايف على تيك توك.. وخرجت نسرين طافش عن صمتها.. وكتبت: من قذارات السوشيال ميديا.. أني عملت بث كامل على تيك توك من كام يوم حكيت فيه عن أهمية مراقبة الأطفال وإبعادهم عن السوشيال ميديا وحكيت عن الصحة والرشاقة والرياضة وتطوير الذات وتفعيل الامتنان والحمد بحياتنا وازاي نقدر نعمل نظام صحي بيخلينا نكبر ونبين أصغر من عمرنا..
وفي وسط البث كان في شوية هزار على هدايا التيك توك والتكبيس.. وده الل ناس هاجمتها عليه وشافت نسرين ان الناس همشت المفيد في البث ومسكت في الهزار..
