كانت متجوزة كهربا.. وخلافاتهم وصلت للمحاكم.. ومصاحبة مطربين المهرجانات.. وبتعملها حفلات.. وطلع عليها إشاعة إنها اتجوزت حمو بيكا.. وكمان ظهرت في موقع حادث عصام صاصا ..
جدل كبير أثارته الإعلامية سارة خليفة خلال الساعات اللي فاتت .. بعد ما انتشرت صور ليها مع مطرب المهرجانات عصام صاصا.. وظهور إشاعات إن في علاقة بينهم.. خاصة إنها ظهرت معاه في موقع الحادثة قبل ما يتقبض عليه.. فيا ترى مين هى سارة خليفة وايه حكاياتها بالظبط !
إعلامية وبتحب الإطلالات الجريئة
سارة خليفة إعلامية .. بدأت شغلها في الإعلام من فترة.. واستمرت في قناة ART ٣ سنين. قدمت فيها برنامج “من القاهرة” .. واتعرفت من خلال إطلالتها الجريئة ومكياجها.. اللي كانت بتتعرض بسببهم دايما لانتقادات عنيفة جدا من الجمهور والمتابعين..
علاقتها بمحمود كهربا
وبدأت سارة تتعرف للجمهور أكتر.. بعد إعلان علاقاتها باللاعب محمود عبدالمنعم كهربا في 2016.. فأعلنت سارة إنها كانت متجوزة كهربا في السر.. واتعرف الموضوع بعد ما قدمت بلاغ في النيابة العامة ضد كهربا.. اتهمته فيه بتبديد دهبها.. وفضلت الخلافات مستمرة بينهم من بعد الانفصال.. ونشرت سارة صور ليهم.. وقالت سارة عن علاقاتهم ببعض:
“عشت مع كهربا أجمل قصة حب في حياتي،، انتهت قصتنا بالزواج، زواجا رسميا وليس مثلما يدعي البعض،، تزوجنا ولم يحدث نصيب لأسباب شخصية،، أنا طالبة الطلاق لأنني مجروحة منه، لكن لن أسمح لأي صحفي أن يجرحه بأي كلام على لساني أنا، ولا أقدر أن أؤذيه،، أتمنى لمحمود بعد الطلاق أن يصبح أفضل لاعبا في مصر و سأسعد له”..
https://www.instagram.com/reel/C6zR1E3rNSG/?igsh=cG1vNXhza2pobzhk
إشاعات عن جوازها من بيكا
ومن بعد انفصال سارة خليفة عن محمود كهربا.. بدأت تنتشر عنها إشاعات تانية بتربطها مطربين المهرجانات .. خاصة حمو بيكا.. لأنها كانت بتظهر معاه كتير.. فانتشر “فيديو” ليهم أثناء مطاردة واحد من المعجبين بيهم في مول معروف.. وكانت سارة وحمو بيكا ماشيين مع بعض.. وبيكا اتخانق معاه .. وانتشرت وقتها إشاعات إنهم متجوزين.. لكن بيكا نفى الإشاعات ده وأكد إنهم صحاب بس وبينهم شغل.. وإن الإشاعات ده بتعمله مشاكل مع مراته..
كمان ساره طول الوقت مرتبط ظهورها واسمها مطربين المهرجانات.. خاصة إنها بتشتغل كمنظمة للحفلات بتاعتهم.. وفي شغل كتير بيجمعهم.. ودا اللي بيخلي الإشاعات تطاردها دايما..
حقيقة ارتباطها بعصام صاصا
فاخر إشاعة طاردت سارة خليفة كانت ارتباطها بمطرب المهرجانات عصام صاصا .. بسبب ظهوره معاها أكتر من مرة كمان.. كمان وجودها في موقع الحادثة اللي عملها عصام صاصا على دائري المنيب.. واللي خبط فيها واحد وتسبب في موته.. واستغرب المتابعين وجود سارة خليفة مع عصام صاصا في وقت زي دا.. ورفضها إنها تتكلم أو ترد على أسئلة الصحفيين .. لكنها كذبت كل الإشاعات وطلعت سارة خليفة وقالت:
“حقيقي مستغربة الناس اللي عايزاني اطلع اتكلم في الموضوع، علشان ابقى تريند،، وقوفي بجانب صديق عزيز وأخ وشريك نجاح في أزمة يلزمني احترام الموقف والصمت وعدم التعليق،، صاصا فنان ناجح وشخص جدع جدًا، ومينفعش اروح أركب التريند على أزمته، ولا ينفع اتكلم أصلا ًعن الحادثة لأنها بين أيدي القضاء،،
ووجودي معاه في محنته أمر طبيعي،، لأن زوجته جهاد صديقة مقربة ليا،، وبعتبرها زي اختي،، ومكنش ينفع اسيبها لوحدها في موقف زي دا،، وأنا بتعاون مع عصام صاصا في حفلات بنظمها في الامارات،، وفيه بينا صداقة في العمل،، لكن مش هقدر اتكلم عن أزمته عشان ابقا تريند”..
فيا ترى شايف وقوف سارة خليفة جمب عصام صاصا من باب صداقتهم فعلا.. ولا في بينهم قصة حب ميعرفهاش الجمهور !
.
