![](https://onetakeeg.com/wp-content/uploads/2024/05/IMG-20240510-WA0000.jpg)
بعد مرور شهرين على عرض برنامج “رامز جاب من الاخر”.. فاجأت الإعلامية مي حلمي المتابعين إن رامز جلال كان بيخطط يستضيفها هي وطليقها المطرب محمد رشاد.. عشان يجيبهم مع بعض في الحلقة ويحاول يصلح بينهم زي ما عمل مع باقي الفنانين.. لكن مي حلمي رفضت لأنها حست الموضوع هيكون إهانة ليها.. فقالت “مي”:
“المقلب إن إنت تجيبلي حد أنا على خلاف معاه،، أنا استحاله أقوله صباح الخير،، دي وحشة في حقي جدا،، ولا أنا هقبلها،، ولا أنا مستنيه فلوس،، ناس كتير جدا قالتلي كنتي روحتي واخدت الفلوس،، قلت لهم متلزمنيش أنا بعمل في نص ساعة إعلان بـ25 ألف درهم،، مش محتاجة الفلوس دي في أي حاجة والناس شاهدة على الكلام ده.
https://www.facebook.com/share/v/kZFzELqrTf8uo4qT/?mibextid=oFDknk
والبرامج دي مش هدفها صلح،، كل مذيع بيهمه برنامجه،، والمشاهدة كل سنة هتبقى عايز تكون أعلى من اللي قبلها،، فاستحالة تقولي مصلحتي أهم من مصلحتك، وهو أنا صغيرة مستينة حد يصالحني على حد وأنت مين عشان تصالحني هو أنا معنديش أهل أو أصحاب هاجي أتصالح على الشاشات، كنت عملتها قبل كده وخدت فلوس كتير”..
ورفضت “مي” تمامًا إنها تظهر مع محمد رشاد رغم الفلوس اللي اتعرضت عليها.. فيا ترى محمد رشاد هيكون ليه رد على اللي قالته مي حلمي ولا هيتجاهل كلامها ؟