في ذكرى رحيلها.. ابنة شويكار: أول ما دخلت البيت بعد وفاتها كنت بشم ريحتها في كل مكان

كتبت: أميمة أحمد 

عبرت منة الجواهرجي ابنة شويكار عن اشتياقها الشديد لها في ذكرى رحيلها.

وقالت الجواهرجي أثناء لقائها في برنامج “الستات” من تقديم مفيدة شيحة وسهير جودة:” مامي عمرها ما قالت لنا أنا عيانة كل ما اسألها تقول كويسة الحمد لله، ومبتحبش حد يعرف أنها تعبانة أو يشوفها، لدرجة أنها مراحتش فرح بنتي الصغيرة، حفيدتها لأنها “بتعرج”، هي كانت واخدة بالها من نفسها وجسمها لحد آخر وقت بتعمل ريجيم”.

وتابعت:” بعد وفاتها أول ما دخلت البيت كنت بشم ريحتها في كل مكان.. كان عندها برفان بتفضل ترش منه طول الوقت، وعشان كانت قاعدة لوحدها حاجاتها كلها كانت في مكانها، وهي كانت منظمة وعارفة مكان كل حاجة كويس”.

واختتمت:” كان رافضة أي حد يكتب السيرة الذاتية بتاعتها وكانت بتقول أنا مفيش حاجة في حياتي “واو” علشان أكتب مذكراتي، مسرحياتي وأفلامي موجودة لكن أكتب إيه”.

ومن جانب آخر يذكر أن شويكار هي واحدة من أهم نجمات مصر والوطن العربي كله، جمعتها قصة حب كبيرة مع الفنان فؤاد المهندس والذي تقدم لها على المسرح مباشرة أثناء تقديمهما عرض “سيدتي الجميلة” بجملة شهيرة “تتجوزيني يا بسكوتة” والتي ظن الجمهور أنها من نص حوار العرض.

توفت شويكار عام 2020 عن عمر ناهز الـ 81 عاما بعد المرور بوعكة صحية شديدة.