قالوا بتتعمد توتر الممثلين الشباب.. وبتتأخر على التصوير وبتنسى جملها.. علشان كده دورها هيتلغى في الجزء التاني.. فريدة سيف النصر ترد على اتهامات ازماتها في كواليس مسلسل العتاولة..
رد فريدة سيف النصر
خرجت الفنانة فريدة سيف النصر عن صمتها.. بعد اللى الاتهامات التي توجه لها من البعض على السوشيال ميديا بأنها كانت بتتعمد التأخير أثناء تصوير مسلسل العتاولة اللى تم عرضه في رمضان 2024.. ده غير انها مكانتش بتحفظ الجمل الحوارية.. وبناء عليه سيتم استبعادها من الجزء التاني اللى هيتعرض رمضان 2025..
وردت فريدة سيف النصر على الصفحات التي تنشر الكلام ده.. و بيدعوا انهم صحفيين.. وقالت انها اصلا مش معترف بيها من نقابة الصحفيين.. وان اللى بعتلها الكلام ده شباب من العمل وطالبت الناس انها ترجع لشباب العمل ويسمعوا قالوا عنها ايه..
وكملت دفاعها عن نفسها وقالت.. أنا حبيبتهم يا جماعة وكانوا عندي معظم الوقت.. في ايه ده كمان خلوني بنسى.. لا حول ولا قوة إلا بالله العلي العظيم..في حد أصفر نجاح دوري عامل له هسهس.. أما المواقع الصفراء دي ولا أي اهتمام سوى قضية تربيهم..
https://www.instagram.com/reel/C6pFDEvLPIt/?igsh=eWdsMTZweTBwNmFo
حقد وغل
وطلبت من زمايلها في المسلسل يردوا مكانها يردوا هما مكانها.. وقالت.. ردوا أنتو يا ولادي في العتاولة..قال ايه اللهم صلي على النبي كنت في التصوير معاكم ..مش عايزاكم تبقوا كويسين وباوتركم جامدا.. بأمارة إنكم معظم الوقت معايا في أوضتي..
وتساءلت سيف النصر عن الغل والحقد اللى عند البعض ده.. خاصة أنها لا تملك إلا فضل الله وحب الناس.. وده اللي تعب اللى بيكتب بحسب تعبيرها.. وقالتلهم اهمدوا بقى وربنا يتصرف فيكم..
وكملت وقالت دول حبايب قلبي وبنكلم بعض على طول دول ولادي ياحقيرين..وكل زملائي من زمان لليوم بس خلينا في الكلام الحالي.. وبالنسبة لزمايلي الكبار متهيألي سمعتم مع عمرو أديب أول ما كلموني قالوا ايه وكلهم رحبوا ووحشتينا ..
مي كساب تدافع عنها
وختمت كلامها وقالت.. أنا كان معايا أحلى ناس إخراج وتمثيل وإنتاج بحبهم وبيحبوني..عينكم بس جت مسممة وفي رجلي والحمدلله جت فيا مش في حبايبي كلهم.. وخفيت بفضل الله..
ومن ناحيتها ردت الفنانة مي كساب على الكلام اللى اتقال.. وكتبت.. الأستاذة الأم الفنانة القديرة الناجحة اللي مكسره الدنيا كلنا بنحبك ونحترمك حضرتك إضافة لينا كلنا يا ست الستات..
وكمان الفنانة منة تيسير قالت.. يا جماعة بطلوا كلام فارغ.. وإشاعات احنا كلنا بنحب بعض ولا في أي حاجة من الكلام ده حصل.. ومش عارفة الكلام ده علي أساس إيه عيب بجد عيب وبس بقى.. وكملت وقالت.. فريدة سيف النصر حبيبتي ست الكل ولا تزعلي نفسك ده ضريبة النجاح ولا تشغلي بالك حضرتك حبيبتنا وست الكل بنحبك كلنا..
بتوتر زمايلها
وكانت انتشرت اخبار مؤخرا عن انهاء دور سترة العترة.. وقال مصدر لعدد من المواقع الصحفية.. ان فريدة سيف النصر.. كانت تتعمد التأخير في اللوكيشن وعدم تصوير مشاهدها في الوقت المحدد ليها.. غير أنها كانت بتنسى جملها خلال مراجعة المشاهد مع زمايلها في المسلسل.. ده غير انها كانت بتتعمد توتير زمايلها خلال المشاهد وبالاخص الشباب الجديد..
وفي تصريحات تلفزيونية كانت قالت فريدة سيف النصر.. انها معملتش جدل على السوشيال ميديا ومكنش عندها فرصة تقدم افضل حاجه عندها.. وده لان المخرج حواليه كرو كبير يرضي مين ولا مين.. وبتشوف ان سترة فيها كتير منها..
وقالت إنها بترفض ادوار كتير في الموسم لان مش معقول الناس تشوفها في أكثر من عمل.. وبتتعامل مع العمل على انها تتخطب او تتجوز..
غير انها اتعودت تشتغل مع ناس كبيرة زي محمد خان وعاطف الطيب وفريد شوقي وعاطف سالم وسمير صبري.. وكانوا يختارونها من بين بنات كتيرة.. وده علشان عندها الموهبة، تفتكر العتاولة الجزء التاني ممكن يتعمل من غير سترة؟!
