بينتلي الوش التاني.. وارتبط بيها سنة ونص.. عصيت ربنا وكسرني علشان افوق.. حاولت ترجعلي وانا رفضت.. مكنتش متزن نفسيا وكانت بتحصلي حاجات غريبة.. وعلى الرغم من حبي ليها لكنها أسوأ تجربة في حياتي.. عمر كمال يكشف أسرار علاقته بندى الكامل لأول مرة..
سنوات من النفي
بعد اكتر من سنتين من النفي المتواصل والتأكيد على ان كل اللي بيتقال اشاعات.. بيخرج عمر كمال ويكشف سر علاقته بندى الكامل وقصة حبهم.. الل استمرت لحوالي سنة ونص..
وقال ان العلاقة دي كانت مأثرة عليه بالسلب وكانت بتحصله حاجات غريبة ومكانش متزن نفسيا.. لدرجة انه عمل حادثة على الدائري ومكانش فاكر اي حاجه من اللي حصل.. وأنه بسببها عصى ربنا كتير في علاقته بيها وحاولت ورجعله تاني بس رفض.. علشان كده ورتله الوش التاني..
https://www.facebook.com/share/v/TbwpKgkwxD1qrhYo/?mibextid=oFDknk
تفاصيل العلاقة
وبيحكي عمر كمال تفاصيل علاقته بندى الكامل لاول مرة في حواره مع الاعلامية اميرة بدر في برنامجها خلاصة الكلام..وبيقول.. أنا مبحبش اتعرف بموضوع عاطفي أو شخصي.. وزعلت لما علاقتي اتعرفت لأن مردودها عند الناس مكنش كويس.. ومش عارف الناس شافت الموضوع إزاي..
وكمل وقال.. أنا في الفترة دي مكنتش متزن نفسيًا ومكنتش بنام غير أدوية ومهدئات.. وسلوكي مكنتش مظبوطة.. والأدوية كانت مأثرة عليا لدرجة أن ممكن حد ياخد مني مبلغ وأنسى خالص.. وكنت باخد الأدوية دي بدون علم وناس وصفتلي ودخلت في متاهة.. والموضوع قلب معايا بهلوسة.. لدرجة مرة مدير أعمالي راح جابني من على الدائري وأنا خابط العربية.. وتاني يوم معرفتش أني عملت كده.. والسنة والنص دي أثرت على شغلي..
وشايف عمر ان الغلط كان من عنده لانه هو اللي عمل في نفسه كده.. ومكانتش فاتحة خير عليه.. لأنها كانت تجربة مكانتش حلوة خالص والسلبي فيها كان أكثر من الإيجابي.. وهي لما شافته يميل ناحية الغلط ميلت معاه ومعدلتوش.. علشان كده هو اللى خد قرار الانفصال..
اعتراف
واعترف عمر أن رغم من ان التجربة ضرته الا انه حبها بجد.. لكن ربنا بيحبه ودايما وينقذه في الوقت المناسب.. وبيرجع عمر السبب لصلاح حال امه واخواته.. وكمان هو دايما رقيب على نفسه ودايما بيدخل ربنا في طرف الميزان..
ويقول عمر.. ممكن أكون في علاقة وعصيت ربنا.. فا ربنا يديني قلم ويكسرني علشان يسمع صوتي.. وأنا فوقت وحاولت ترجعني وأول ما اتأكدت أني مش راجع شفت الوش التاني.. وناس تانية ظهرت.. وبدأ ربنا يبين لي حكمته وأن قراري صح..
وعلى مدار سنتين حاول عمر كمال وندى الكامل ينفوا علاقتهم ببعض قدر المستطاع رغم أثارت الجدل اللى بيعملوها طول الوقت سواء بنشر صور ليهم مع بعض أو فيديوهات.. والبداية كانت لما ندى أثارت الجدل برسالة بتدعم فيها عمر كتبت فيها.. أنا بحب طيبة قلبك وإنسانيتك يا عمر واللي بتقدمه للمجتمع.. وأتمنى كل إنسان يعمل زيك لأنك إنسان عظيم.. وأنا بحبك..
جواز في السر
واتقال انهم اتجوزوا لما انتشرت صورة لعمر كمال مع داعية إسلامي من بيته.. وهو نفس المكان الل ظهرت فيه ندى مع عمر في فيديو عفوي واضح جدا فيه انهم قاعدين في البيت ولما انتبه عمر مسحوا فورا ويبدو انه كان منشور بالغلط..
ونفت ندى الكامل جوازهم وقالت.. مش متجوزة ومش ناوية يعني.. قبل ما ينفى عمر بدل المرة ألف ويأكد انه مش على علاقة بحد.. وان ظهوره المتكرر مع ندى بسبب انهم صحاب مش اكتر.. ولما كثر الاقاويل انفصل الثنائي وأعلنت بعدها ع طول جوازها من فنان شاب.. اسمه أحمد خالد اللى انفصلت عنه بعد 8 شهور جواز بس..
