التمثيل مش هياكلني عيش.. ومش هسيب ورشتي.. وخد عهد على نفسه ميشتغلش غير مع احمد مكي بس.. سر تمسك حسين ابو الحجاج بورشة الكاوتش..
غياب اشرف
للسنة الثانية على التوالي يغيب الحضور القوي لشخصية أشرف في مسلسل الكبير اوي.. في الجزء السابع ظهر في مشاهد محدودة والجزء التامن بردو ظهر في مشهد واحد.. ولاحظ الجمهور وقتها انه كان قاعد على كرسي في كل مشاهده..
وكان حسين ابو الحجاج أعلن اعتزاله التمثيل بسبب اصابته في رجله.. الل بتخليه مش قادر يقف ساعات طويلة.. وأثر غياب شخصية اشرف في الأحداث.. خاصة أن ظهوره كان أساسي ومؤثر..
الورشة
والفنان حسين أبو الحجاج.. مش معتمد على التمثيل بشكل أساسي بالعكس.. بالنسباله التمثيل شئ ثانوي ومصدر رزقه الأساسي من ورشته الخاصة بالكاوتش.. واللى أكد أنه اصلا عمره ما سابها علشان يرجعلها تاني..
وبيملك الفنان حسين ابو الحجاج ورشة كاوتش في محافظة المنيا.. فاتحها من سنة 85.. ومرديش يقفلها حتى لما اشتغل في التمثيل.. لانه شاف انه مش هيأكله عيش و شغلانه مش مضمونه.. والورشة دي ساعدته على تحسين مستواه المادي.. لدرجة أنه علم ولاده في مدارس خاصة..
وقال أبو الحجاج.. أنا كنت باخد في المشهد بتاع صعيدى في الجامعة الأمريكية 400 جنيه.. وكنت باجى من المنيا للقاهرة وأرجع تانى ..مفيش غير مسلسل الكبير هو اللى اخد منى وقت كبير خلاني اقعد في القاهرة..
صدفة
واكد ابو الحجاج أن دخوله التمثيل اصلا كان عن طريق الصدفة.. مكانش حاجة مخططلها.. وفي الأساس كان سواق نقل تقيل بس مع كثرة الحوادث قرر انه يبيع العربية ويفتح ورشة الكاوتش.. اللي يلاقي فيها متعة أكثر من التمثيل..
وفي يوم من الايام كان شقيق الفنان هاني رمزي جنب الورشة.. وطلب منه أبو الحجاج انه يروح له.. وفعلا اخده معاه ولما شافه هاني رمزي اعجب بيه وخده يشتغل معاه وكان أول عمل صعيدي في الجامعة الامريكية..
https://www.facebook.com/share/v/NHqmZTFq3zCSx7Bh/?mibextid=oFDknk
ودي كانت نقطة الانطلاق والأجر كان ضعيف جدا.. يعني اول اجر ليه كان 100 جنيه.. وكان بيدهم للناس اللي بتطلبه في شغل.. ولولا الورشة كان شحت العيش الحاف.. وعلشان كده هو بيحافظ على ورشته وهيفضل فيها للابد..
ووضح انه طول عمره من قبل التمثيل في الورشة.. خاصة انه دخل عالم التمثيل وسنه كان 46 سنة.. ف هو مسبهاش اصلا علشان يرجعلها تاني..
واشتغل أبو الحجاج مع هاني رمزي 6 افلام واشتغل مع كل الفنانين.. محمد هنيدي ومحمد سعد ومكي وغيرهم كتير.. وأكدت أن الفنانين المغمورين زيه.. مبيختاروش ادوارهم علشان كد لقي نفسه يشتغل في الكوميديا ودي حاجه هو مختارا هاش..
الكبير استثناء
وقال أبو الحجاج أنه اعتزل التمثيل.. لكن استثنى من قراره الشغل في مسلسل الكبير اوي.. مهما كان عدد الاجزاء.. لانه بيحب الشغل مع احمد مكي والمخرج أحمد الجندي.. وبيحس أنهم أسرة واحدة.. و بيشتغلوا مع بعض من 6 سنين.. خاصة أن مكي مبيعش دور النجم على باقي زمايله بالعكس هو انسان متواضع جدا..
وقال أبو الحجاج خلال تصريحات تلفزيونية سابقة.. ظروفي المالية مستقرة.. وراضيه بنصيبي.. أنا عندي مشكلة في الركبتين.. ورفض أغير مفاصل وظروفي الصحية لا تسمح..
نصيحة للفنانين
ووجه نصيحة لكل الفنانين قال فيها.. عاوز أقول لكل فنان حتى لو نجم.. لازم يبقى ليك مشروع خاص.. وأنا مبسوط إني عندي الورشة.. وولادي كلهم اتعلموا من كي جي وان لحد الإعدادية في مدارس خاصة.. ومعايا 3 و4 أسر بتأكل من الورشة عيش..
