مفيش حد عاقل واحد بيقول له هسلم عليك ويتجاهله عمدا.. أحمد عبدالعزيز يكشف لـ one take حقيقة رفضه مصافحة معجب
كتبت: أميمة أحمد
كشف الفنان أحمد عبدالعزيز في تصريح خاص لـ one take حقيقة الفيديو المتداول له ورفضه لمصافحة أحد المعجبين، حيث قال:”أكيد ماشوفتش إن في ولد واقف عاوز يسلم عليا”.
وأوضح:” أنا كنت متأخر على المهرجان حوالي 10 دقايق وكنت ماشي بسرعة عاوز أطلع الاسانسير عشان أكون مع بداية الاحتفالات”.
وتابع:” مفيش حد عاقل واحد بيقول له هسلم عليك ويتجاهله عمدا وهو عارف أنه بيتصور، بتحصل أحيانا بيكون حد عينك في عينه وأنت مش مركز عشان في دماغك حاجة تانية”.
وأضاف:” محتاج أفهم لما تتصيد السوشيال ميديا الأخطاء واللقطات المثيرة للجدل للفنانين، هل في ناس هدفها تسيء لرموز الدولة، التريند جنن بعض الناس وأنا هرد على المنتقدين في بيان رسمي”.
وعن أحدث أعماله الفنية اختتم:” اقرأ أكثر من سيناريو خلال الفترة القادمة وحين استقر على عمل سأعلن عنه”
ومن جانب آخر كانت آخر أعمال الفنان أحمد عبدالعزيز المشاركة في مسلسل “فهد البطل” من بطولة أحمد العوضي والذي نافس به في السباق الرمضاني الماضي وحقق نجاحاً لافتا من خلاله.
