لبنانية.. وصاحبة كليب أنا دانا.. واتهاجمت بسبب لبسها المفتوح.. وكانت متجوزة من مصور لبناني.. وعندها منه بنتين.. وانفصلت عنه وحبت واحد مطلق.. قابلت محمد رجب من سنتين.. ووقع في حبها من أول نظرة.. واتجوزوا من شهرين وخبوا عن الجمهور..
جدل كبير أثاره الفنان محمد رجب على السوشيال ميديا.. بعد انتشار أخبار عن جوازه من الفنانة اللبنانية دانا الحلبي.. فانتشرت أخبار على السوشيال ميديا.. بتأكد جوازه من “دانا” خلال الفترة اللي فاتت.. خاصة بعد ما ظهروا مع بعض في فرح المخرج إسماعيل فاروق.. فيا ترى ايه الحكاية.. وهل فعلا محمد رجب ودانا الحلبي اتجوزوا ؟ …
انفصال محمد رجب عن زوجته السعودية
البداية مع فترة عزوبية طويلة قضاها الفنان محمد رجب.. ودا بعد انفصاله عن زوجته السعودية “غدير”.. واللي جاب منها ابنه الوحيد “يوسف”.. فانفصل “رجب” عن “غدير” في 2014.. وفضل 10 سنين في عزوبية.. ومفكرش في الجواز إطلاقًا.. وكان بيفكر في شغله بس.. لحد ما قابل الفنانة اللبنانة دانا الحلبي في مسلسل الونس.. واتعرف عليها ووقع في حبها من أول نظرة.. واتطورت علاقة الصداقة بينهم لـ حب..
لبنانية وصاحبة كليب أنا دانا
ودانا الحلبي هى فنانة لبنانية.. اتولدت سنة 1987.. واتعرفت على الساحة الفنية بجرأة الكليبات بتاعتها.. ففترة قناة “ميلودي”.. عملت “دانا” اجرأ الكليبات زي كليب “أنا دانا” وكليب” مية مية”.. وكليب “أي خدمة يا باشا”.. فاتهاجمت دانا كتير بسبب الكليبات ده ولبسها الجرئ فيها.. واللي كان بيكشف عن جزء كبير من جسمها.. لكن “دانا” كانت دايمًا بتتجاهل الانتقادات اللي بتتعرض ليها.. وفضلت تبعد عن الساحة الفنية في الفترة ما بين 2011 لـ 2016..
https://www.facebook.com/share/v/uz6rds2SvnrjGEs9/?mibextid=oFDknk
اتجوزت مرتين وعندها ولد وبنت
أما عن حياتها الشخصية فـ “دانا”ز. اتجوزت مرتين.. المرة الأولى اتجوزت في 2008 من اللبناني ميلاد حيدر.. وفي 2013 رفعت دعوى عليه عشان تطلق منه… بعد جواز 5 سنين وطفلين ولد وبنت.. لأنها اشترطت عليه قبل الجواز إنه يعتنق الإسلام.. لكنه فضل على الديانة المسيحية.. وكان مخطط يسافر استراليا مع ولادها.. لكن “دانا” قدرت تتطلق منه وتاخد حضانة ولادها كمان.. وبقت مقيمة في دبي.. لكن “دانا” مقفلتش صفحة الجواز والارتباط بعد انفصالها عن “ميلاد”.
وفي 2019 اتخطبت من الفنان السوري عبدالمنعم عمايري.. لكن بعد فترة من خطوبتهم حوالي سنة.. أعلنت “دانا” عن انفصالهم عن بعض.. وبعد فترة.. اتجوزة للمرة الثانية في 2022 من المصور أيمن عباس.. وانفصلوا عن بعض بعد أقل من سنة..
شهرة دانا في مصر
وبعد انفصال دانا التاني قررت تبدأ مشاركاتها في الأعمال الفنية.. وتبعد عت الأغاني الجريئة اللي بتتهاجم بسببها.. فشاركت في مسلسل “الهيبة والحصاد”.. ومسلسلات لبنانية ومصرية.. وكان منهم مسلسل “الونس” اللي بيلعب بطولته الفنان محمد رجب.. واللي وقعوا في حب بعض من أول نظرة.. فاتحولت الصداقة بينهم لــ حب.. وبدأ محمد رجب ودانا الحلبي يظهروا مع بعض في الأماكن العامة.. ومنهم فرح المخرج إسماعيل فاروق اللي ظهرت معاه “دانا الحلبي” وهما ماسكين ايد بعض.. وكانوا قريبين جدًا وواصح بينهم الانسجام.. وبدأ المتابعين والجمهور يشكوا إن فيه ارتباط وقصة حب بين محمد رجب ودانا الحلبي..
اتجوزوا من شهرين
لكن المفاجأة إن محمد رجب ودانا الحلبي مش بس مرتبطين.. لا دا كمان في مصادر مقربة منهم اكدت إنهم متجوزين,, ومن شهرين.. لكنهم فضلوا إنهم ميعنلوش للجمهور في الفترة الحالية.. وإنهم خلال الفترة الجاية هيقولوا كل التفاصيل عن علاقتهم وتعارفهم على بعض وجوازهم.. فيا ترى محمد رجب هيعلن جوازه من دانا الحلبي.. ولا ده مجرد إشاعات ؟
