في ذكرى ميلاده.. هند سعيد صالح: السنة دي صعبة بس بحمد ربنا إني بنتك

كتبت: أميمة أحمد

تذكرت هند ابنة الفنان سعيد صالح رحمة الله عليه والدها بكلمات مؤثرة في ذكرى ميلاده.

وكتبت هند سعيد صالح عبر حسابها الرسمي بـ فيسبوك:” إمبارح كان ذكرى ميلاد بابا الـ ٨٥ والنهاردة ذكرى وفاة بابا ال١١، سنة ماعرفش عدوا ازاى، عدوا بفضل ربنا و كرمه و نعمه عليا انى أعيش و أتعايش، عدوا بإنى شايفة نسخة مصغرة من بابا شكل وموضوع وكوميديا وحتى النظرات معايا فى البيت إسمه سليم إبنى”.

وتابعت:” عدوا بحنية وطيبة كلام الناس عن بابا، كلام الناس اللى دايما بيهدينى و بيحسسنى إن سعيد صالح ده مش بتاعك لوحدك، إحنا لينا فيه زيك و يمكن أكتر، حقيقى بحس بحزن وحب الناس فى الپوستس اللى بتتكتب عنه سواء فى عيد ميلاده أو ذكراه، أو فجأة من غير أى تواريخ وأحداث، ناس أعرفها و ناس ماعرفهاش بشوف كلامها عنه صدفة”.

وأضافت:” وبصدق كلامها لأنه طالع من القلب فبفرح، وبحمد ربنا على نعمة أنعم بيها عليا لوحدى، إنى بنت سعيد صالح”

واختتمت:” بس السنة دى كانت من أصعب السنين يمكن عشان الظروف النفسية الصعبة اللى لسة بمر بيها بسبب مشكلة جوزى اللى اتكلمت عنها من فترة و لسة قائمة 

يمكن عشان سنة ٢٠١٤ عيد ميلاد بابا كان خميس ووفاته كانت جمعة، فتفاصيل كل حاجة مؤلمة حصلت السنة دى بتتعاد تانى قدامى، بس كله بيعدى و هايعدى الحمد و الشكر لله، من فضلكم زى ما بتحبوا بابا و بتدعوله من قلبكم ادعولى لأنى فى أمس الحاجة للدعاء”