كانوا بيحبوا بعض من 10 سنين.. واتجوزوا رغم فرق السن.. وبعد لقت العوض فيه.. انفصلوا عن بعض بعد 8 شهور جواز بس..
جدل كبير أثارته ندى الكامل بعد إعلان انفصالها للمرة الثالثة عن جوزها أحمد خالد.. بعد 8 شهور جواز بس.. فبعد ما كانت “ندى” طايرة بجوزها الجديد.. وكانت بتقول عنه “عوض ربنا ليها”.. فاجأت الجمهور بانفصالهم بعد فترة قليلة أوي.. ونشرت استوري ليها على حسابها الرسمي على انستجرام.. قالت فيها: “صباح الخير أنا سينجل،، الحمد الله على كل شئ”.. واستغرب المتابعين والجمهور سرعة انفصال ندى الكامل بعد شهور قليلة من جوازها.. فيا ترى ايه حكاية انفصالها وقصة زيجاتها الثلاثة ؟
سيدة أعمال وعندها 3 بنات
ندى الكامل واحدة من أشهر سيدات الأعمال على السوشيال ميديا.. بتشتغل في خطوط الموضة والإنتاج.. واتجوزت 3 مرات.. أول مرة من شخص مش معروف وجابت منه بناتها الثلاثة.. وقتها ماكنتش معروفة أوي بالنسبة للجمهور.. لحد ما ظهر في حياتها الفنان أحمد الفيشاوي واتجوزوا.. فبدأت تظهر مع “أحمد” على الريد كاربت بإطلالات جريئة منها.. وبقت حديث الجمهور كله.. لكن بعد 4 سنين جواز.. انفصلت عن أحمد الفيشاوي..
https://www.facebook.com/share/v/cCvVJ5XXCULDwPkE/?mibextid=oFDknk
الخيانة سبب انفصالها عن الفيشاوي
ووقتها نشرت “ندى الكامل” استوري ليها على انستجرام أعلنت فيه انفصالها عن الفيشاوي.. وقالت فيها:
“من امرأة قلبها هلك وانطفأ،، اود ان اعلن عن انفصالي انا وزوجي احمد الفيشاوي يوم 21 الشهر الجاري…وربنا يوفقنا ويكتب لكل واحد فينا السعاده وراحه البال،، لقد كنت خير صديق وطاب لي العيش معك حتي في احلك أوقاتنا،، سأفتقدك كصديق كثيرا،، والرجاء عدم الخوض في هذا الموضوع احتراما لمشاعر أطفالي واسرتينا.
لقد عشت معك اربع سنوات واعتقد اني كنت نعم الزوجه ونعم السند،، وقد اديت و اعطيت كل ما املك من حب وتضحية لكي ترتاح،، ولكني اعتقد انك الان سعيد من غيري ولست تعيس …واتمنى لنفسي ان اكون أيضا سعيده …ولكن…واحقاقا للحق …لقد اعطاني ووهبني كافة حقوقي الشرعيه،، بلا نزاع او تردد او لحظه تفكير بل واكثر “..
ورغم إن ندى الكامل مذكرتش سبب انفصالهم عن بعض.. لكن وقتها اتقال إن الخيانة كانت السبب.. لكن “ندى” تجاهلت كل اللي اتقال حواليها واتغيرت حياتها 180 درجة.. فبقت اكتيف أكتر على السوشيال ميديا.. وبتنشر صور ليها بلبس جرئ جدًا.. وكمان بتتواصل مع المتابعين.. لحد ما اتعرفت على مطرب المهرجانات عمر كمال..
إشاعة جوازها من عمر كمال
وقتها بدأت تظهر إشاعات وأخبار كتير عن جوازها من عمر كمال.. بسبب ظهورهم مع بعض كتير.. وكمان تسريب فيديو ليهم وهما مع بعض وندى قاعدة بلبس البيت.. فالجمهور وقتها قال إن “ندى” اتجوزت عمر كمال في السر وأعلنت للجمهور.. لكن ندى الكامل نفت كل الأخبار ده وأكدت إن اللي بيجمع بينهم هى علاقة الصداقة بس.. وقفلت صفحة عمر كمال بشكل نهائي وفتحت صفحة جديدة مع زوجها الثالث الفنان الشاب أحمد خالد..
جيران في دمياط وحب 10 سنين
فجمع بين ندى وأحمد علاقة صداقة استمرت 10 سنين.. لأنهم كانوا جيران في طنطا.. لكن أحمد سافر على سويسرا ومعاه الجنسية السويسرية.. ولما رجع على مصر .. اشتغل في البيزنس الخاص بتاعه.. وكمان شارك في أدوار صغيرة.. وقرر هو و”ندى” يرجعوا لبعض ويتجوزوا بعد قصة الحب الطويلة بينهم.. لكن فجأة وبعد 8 شهور بس أعلنت ندى الكامل انفصالها عنه.. وحصلت تجربة الانفصال ليها للمرة الثالثة.. فيا ترى ندى الكامل ممكن تكرر تجربة الجواز للمرة الرابعة ؟
